نۇر-سۇلتاندا قوسىمشا شەكتەۋ شارالارى ەنگىزىلۋى مۇمكىن
قاڭتاردىڭ العاشقى ونكۇندىگىندە ەلوردا «سارى» جانە «قىزىل» ايماقتاردىڭ شەكاراسىندا تۇر. جاڭا جىلدىق مەرەكەلەردەن كەيىن ينكۋباتسيالىق كەزەڭ اياقتالعانىن ەسكەرە وتىرىپ، كوروناۆيرۋس جۇقتىرعان ناۋقاستار سانى ارتىپ جاتىر.
«قازىر قالا «سارى ايماقتا» ورنالاسقانىنا قاراماستان سىرقاتتانۋشىلىق سانىنىڭ ءوسۋى بايقالادى. بۇل، ءبىر جاعىنان، COVID-19 ينفەكتسياسىنا تەست تاپسىراتىن ادام سانىنىڭ ەكى ەسە وسۋىنە، ال ەكىنشى جاعىنان قالا تۇرعىندارىنىڭ مەرەكەلىك جاڭا جىل كۇندەرىندە شەكتەۋ شارالارىن ساقتاماۋىنا بايلانىستى.
سونداي-اق ايرىقشا اتاپ وتەرلىگى دارىگەرلەرگە وزدىگىنەن قارالاتىن حالىقتىڭ ۇلەسى ارتىپ كەلەدى. بۇل تۇرعىنداردىڭ جاۋاپكەرشىلىگى جوعارى ەكەنىن جانە كوروناۆيرۋس ينفەكتسياسىنىڭ سالدارىنا الاڭدايتىنىن كورسەتەدى. ءوز بەتىمەن ەم-دوم قولدانۋعا بولمايدى. ءوزىن، تۋىستارىن جانە اينالاسىن قورعاۋ ءۇشىن سانيتارلىق نورمالاردى قاتاڭ ساقتاپ، ماسكا تاعۋ قاجەت»، - دەدى ەلوردانىڭ باس سانيتار دارىگەرى سارحات بەيسەنوۆا.
قالانىڭ باس سانيتار دارىگەرى سارحات بەيسەنوۆا ناۋقاستار سانى ءوسۋى جالعاسقان جاعدايدا قوسىمشا شەكتەۋ شارالارى قابىلداناتىنىن ايتتى.