USD 434.84 EUR 498.2
RUB 5.72 CNY 68.47
جاڭالىقتار

قىزىلوردا وبلىسىندا كوروناۆيرۋسكە شالدىققاندار كۇن سايىن تىركەلۋدە

12 قاڭتار 20:13
:ءبولىسۋ
قىزىلوردا وبلىسىندا كوروناۆيرۋسكە شالدىققاندار كۇن سايىن تىركەلۋدە

قىزىلوردا. قازاقپارات - قىزىلوردا وبلىسى كوروناۆيرۋس ينفەكتسياسى بويىنشا رەپرودۋكتيۆتىك كورسەتكىشتە «جاسىل ايماقتا» تۇرعانمەن ماماندار ءالى دە قاۋىپ بار ەكەنىن ايتادى.

سوڭعى ۋاقىتتا قاتەرلى ىندەتكە شالدىققان ازاماتتار كۇن سايىن تىركەلۋدە، دەپ حابارلايدى قازاقپارات ءتىلشىسى.

بيىلعى جىلدىڭ باسىنان بەرى 57 دەرەك تىركەلدى. تىركەلگەن جاعدايدىڭ باسىم بولىگىندە قارىم-قاتىناس ارقىلى تارالعاندىعى انىقتالدى. سوڭعى تاۋلىكتە، 11 - قاڭتارداعى مالىمەت بويىنشا كوروناۆيرۋس ينفەكتسياسىنىڭ 6 دەرەگى انىقتالدى. ونىڭ 5 ەۋى قىزىلوردا قالاسىندا، 1 ەۋى جاڭاقورعان اۋدانىندا تىركەلدى.

«پ ت ر اناليزدەرى 4 ناۋقاستان جۇمىسقا ءتۇسۋ الدىنداعى پروفيلاكتيكالىق ماقساتتاعى تەكسەرۋ كەزىندە الىنعان. ال 1 پاتسيەنت ج ر ۆ ي سيمپتومىنىڭ بولۋىنا بايلانىستى وزدىگىنەن مەديتسينالىق كومەككە جۇگىنسە، 1 ناۋقاستان كوروناۆيرۋس ينفەكتسياسىن جۇقتىرعان اداممەن قارىم-قاتىناستا بولعان. تالداۋ ناتيجەسى كوروناۆيرۋس ينفەكتسياسىنا وڭ ناتيجە كورسەتتى. ناۋقاستارمەن قارىم-قاتىناستا بولعان ادامدار مەديتسينالىق باقىلاۋعا الىندى. پروفيلاكتيكالىق جانە ەپيدەمياعا قارسى شارالار جۇرگىزىلۋدە»، - دەپ ءمالىم ەتتى قىزىلوردا وبلىسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى.

بۇگىنگى كۇنگە دەيىن قىزىلوردا وبلىسى بويىنشا كوروناۆيرۋس ينفەكتسياسىنىڭ 3449 دەرەگى ەسەپكە الىنعان. بارلىق تىركەلگەن جاعدايدىڭ %55 سيمپتوممەن، %45 كلينيكالىق بەلگىسىنسىز انىقتالعان. سونداي-اق، جىل باسىنان بەرى قىزىلوردادا كارانتين تالابىن بۇزعان 5 نىسان يەسى جاۋاپقا تارتىلدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات