ەلباسى سىرتقى ىستەر ءمينيسترى مۇحتار تىلەۋبەردىنى قابىلدادى

نۇر- سۇلتان. قازاقپارات - نۇرسۇلتان نازاربايەۆ سىرتقى ىستەر ءمينيسترى مۇحتار تىلەۋبەردىنى قابىلدادى، دەپ حابارلايدى قازاقپارات.

كەزدەسۋدە وسى جىلى قازاقستاننىڭ تۇڭعىش پرەزيدەنتىنىڭ قاتىسۋىمەن وتەتىن سىرتقى ساياسي ءىس- شارالاردىڭ كەستەسى قارالدى. سونىمەن بىرگە نۇرسۇلتان نازاربايەۆ قۇرمەتتى ءتوراعاسى بولىپ سانالاتىن جوعارى ەۋرازيالىق ەكونوميكالىق كەڭەستىڭ، تۇركىتىلدەس مەملەكەتتەردىڭ ىنتىماقتاستىق كەڭەسىنىڭ (تۇركى كەڭەسى) جانە ورتالىق ازيا ەلدەرى باسشىلارىنىڭ كونسۋلتاتيۆتىك كەزدەسۋلەرىنىڭ الداعى ۋاقىتتا وتەتىن جيىندارىنا ەرەكشە ءمان بەرىلدى.

ەلباسىعا وداقتاس جانە ستراتەگيالىق سەرىكتەس ەلدەردەگى جاعداي، قازاقستاننىڭ ەۋرازيا ەكونوميكالىق وداعىنا ءتوراعالىق ەتۋ كەزەڭىندە اتقارىلاتىن جۇمىستىڭ نەگىزگى باعىتتارى تۋرالى اقپارات ۇسىنىلدى.