ەلىمىزدە وڭدەلگەن، دايىن تاۋارلاردىڭ ەكسپورتى ۇلعايدى
بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى رۋسلان دالەنوۆ ايتتى، دەپ حابارلايدى قازاقپارات ءتىلشىسى.
«ەكونوميكا قۇرىلىمىنىڭ ساپالى وزگەرۋى بايقالدى. ونەركاسىپتىڭ جالپى كولەمىندەگى وڭدەۋ ۇلەسى 9,4 پايىزدىق تارماققا ارتتى. ياعني، 2019 -جىلعى 39,4 پايىزدان 2020 -جىلى 48,8 پايىزعا دەيىن ۇلعايدى. جەڭىل ونەركاسىپتىڭ، اۆتوموبيل جاساۋدىڭ جانە دايىن مەتالل بۇيىمدارىنىڭ ەكى ءماندى ءوسۋى بايقالادى. وڭدەلگەن، دايىن تاۋارلاردىڭ ەكسپورتى ۇلعايدى»، - دەدى مينيستر.
ونىڭ اتاپ وتۋىنشە، 2020 -جىلى ءوندىرىستىڭ ءوسۋىنىڭ ارقاسىندا جالپى تۇتىنۋداعى قازاقستاندىق تاۋارلاردىڭ ۇلەسى 4,7 پايىزدىق تارماققا ءوستى.
«ەلەكتروندىق ساۋدا ۇلەسى 6 پايىزدىق تارماققا، قولما- قول اقشاسىز تولەمدەر كولەمى 2 ەسەگە جانە كەن ءوندىرۋدى ەسەپكە الماعاندا ينۆەستيتسيالاردىڭ 14,8 پايىزعا وسكەنى بايقالادى»، - دەدى رۋسلان دالەنوۆ.