قازاقستاندىق تاريحي فيلمدەردى تۇركيا مەن قىتايدىڭ كورەرمەندەرى تاماشالاي الادى

نۇر- سۇلتان. قازاقپارات - قازاقستاندىق تاريحي فيلمدەردى تۇركيا مەن قىتايدىڭ كورەرمەندەرى تاماشالاي الادى، دەپ حابارلايدى قازاقپارات «قازاقفيلم» كينوستۋدياسىنا سىلتەمە جاساپ.

«رەجيسسەر رۇستەم ءابدىراشتىڭ «الماس قىلىش» (2017)، «التىن تاق» (2019) تاريحي فيلمدەرىنىڭ جانە دە «قازاق حاندىعى» تاريحي سەريالىنىڭ ەكى ماۋسىمىنىڭ ديستريبۋتسيا قۇقىعىن تۇركيانىڭ («Duru Filmcilik») جانە قىتايدىڭ («Magic Fair») كومپانيالارى ساتىپ الدى»، دەلىنگەن حابارلامادا.

بۇدان بۇرىن 2017 -جىلى «الماس قىلىش» فيلمىنىڭ كورسەتۋ قۇقىعىن وڭتۇستىك كورەيالىق Amadeus كومپانياسى ساتىپ العان بولاتىن. ەسكە سالساق، بۇل جوبالار ق ر مادەنيەت جانە سپورت مينيسترلىگىنىڭ تاپسىرىسىمەن، «قازاق فيلم» كينوستۋدياسىندا ntaurus Rustem Abdrashev production كومپانياسىنىڭ قاتىسۋىمەن تۇسىرىلگەن.