ەليزابەت تۇرسىنبايەۆا بۋرابايدا مۇز ۇستىندە ديماشتىڭ انىنە ءبي بيلەدى

None
None
نۇر-سۇلتان. قازاقپارات - تانىمال مانەرلەپ سىرعاناۋشى ەليزابەت تۇرسىنبايەۆا ديماش قۇدايبەرگەننىڭ انىنە بۋراباي كولىندە ءبي بيلەپ، كوپشىلىكتىڭ قوشەمەتىنە يە بولىپ جاتىر، دەپ حابارلايدى قازاقپارات ءتىلشىسى.

«كەشە تۇڭعىش رەت بۋرابايعا بارىپ قايتتىم. تۇمسا تابيعاتتىڭ كوركىن تامسانۋمەن بىرگە ۋاقىتتى جاقسى وتكىزدىم. ارماندارىمنىڭ ءبىرى ورىندالدى: مەن كولدە ديماش قۇدايبەرگەننىڭ «ءبىل» ءانىنىڭ سۇيەمەلدەۋىمەن ءبي بيلەدىم. كەيىنگى كەزدە سول ءان سانامدا سايراپ تۇراتىن بولىپتى»، - دەپ جازدى مانەرلەپ سىرعاناۋشى Instagram پاراقشاسىندا.

ەليزابەت تۇرسىنبايەۆانىڭ جانكۇيەرلەرى جازبا استىندا جاعىمدى پىكىر قالدىرىپ جاتىر.

كەرەمەت كورىنىس، ەرتەگىدەگىدەي دەگەن پىكىرلەردى كورىپ، ءبيدىڭ كوپشىلىككە ۇناعانىن اڭعارۋعا بولادى.

ەليزابەت تۇرسىنبايەۆا ماسكەۋدە دۇنيەگە كەلگەن. قازاقستاننىڭ اتىنان (ونىڭ ىشىندە قىزىلوردانىڭ) ونەر كورسەتەدى. مانەرلەپ سىرعاناۋشى ءتورت اينالا (سالح) سەكىرىپ، الەم چەمپيوناتىنىڭ كۇمىس جۇلدەسىن يەلەنىپ، ال 2019-جىلى ءتورت قۇرلىقتىڭ چەمپيوناتىندا توپ جارعان. ول قازىرگى ۋاقىتتا الەمنىڭ ەڭ ۇزدىك مانەرلەپ سىرعاناۋشىلارىنىڭ وندىعىنا كىرەدى.

سوڭعى جاڭالىقتار