سايلاۋ: قاراعاندىنىڭ ەڭ قارت تۇرعىندارىنىڭ ءبىرى داۋىس بەردى

قاراعاندى. قازاقپارات - قاراعاندى قالاسىنىڭ ەڭ قارت تۇرعىندارىنىڭ ءبىرى، ەكىنشى دۇنيەجۇزىلىك سوعىس ارداگەرى، 97 جاستاعى بۇركىت ەسجانوۆ پارلامەنت ماجىلىسىنە جانە بارلىق دەڭگەيدەگى ءماسليحاتتارعا دەپۋتاتتاردى سايلاۋعا قاتىستى، دەپ حابارلايدى قازاقپارات ءتىلشىسى.

«كوگىلدىر توعاندار» شاعىن اۋدانىنداعى 77 ج و ب ب م 169№ سايلاۋ ۋچاسكەسىنە ول تاڭعى ساعات 7 دە جۇبايىمەن بىرگە كەلدى.

ارداگەردىڭ ايتۋىنشا، ۋچاسكە بارلىق قاجەتتى زاتتارمەن جابدىقتالعان، سانيتارلىق تالاپتار ساقتالعان جانە داۋىس بەرۋ ءۇشىن ىڭعايلى جاعداي جاسالعان.

«سايلاۋ - ءبىزدىڭ بولاشاعىمىزعا، حالىقتىڭ وركەندەۋىنە جول اشاتىن قادام. سوندىقتان، ءوزىمىز تاڭداعان پارتياعا داۋىس بەردىك. مەن سايلاۋعا ايەلىممەن كەلدىم. بىزدە ءبارى جاقسى بولادى دەپ ويلايمىن»، - دەپ اتاپ ءوتتى اقساقال بۇركىت ەسجانوۆ.

قاراعاندى وبلىسىنداعى بارلىق سايلاۋ ۋچاسكەلەرى مۇمكىندىگى شەكتەۋلى ادامداردىڭ قاجەتتىلىكتەرىنە جانە سانيتارلىق تالاپتارعا سايكەس جابدىقتالدى.