قوستانايدا وتكەن عاسىردىڭ تاريحي ساۋلەت ەسكەرتكىشى «اقمەشىت» قايتا جاڭاردى
بۇل جايىندا وبلىس اكىمى ارحيمەد مۇحامبەتوۆ ءوزىنىڭ رەسمي Instagram پاراقشاسىندا جازدى.
«بۇگىن «اقمەشىت» كيەلى نىسانىنا جانە ونىڭ اۋماعىندا ورنالاسقان اكىمشىلىك عيماراتقا باردىم. وتكەن جىلدىڭ مامىر ايىندا «اقمەشىت» ساۋلەت ەسكەرتكىشىندە عىلىمي- جاڭعىرتۋ جۇمىستارى اياقتالعان بولاتىن. 2020 -جىلى اكىمشىلىك عيماراتقا دا جاڭعىرتۋ جۇمىسى جۇرگىزىلدى. 1954 -جىلى سالىنعان بۇل عيمارات ابدەن توزىعى جەتىپ، ەسكىرگەن بولاتىن. قايتا جاڭعىرتۋ كەزىندە عيماراتتىڭ ىرگەتاسى بەكىتىلىپ، قاسبەتى جانە شاتىرى، ينجەنەرلىك جەلىلەر جوندەلدى، ەسىك- تەرەزەلەرى جاڭارتىلدى» دەيدى ارحيمەد مۇحامبەتوۆ.
ونىڭ ايتۋىنشا، اكىمشىلىك عيمارات قوستاناي وبلىسى اكىمدىگىنىڭ ءدىن ىستەرى باسقارماسىنىڭ بالانسىنا وتەدى. ەندى بۇل عيماراتتا باسقارما ۇجىمى مەن وعان باعىنىستى مەكەمە - ءدىن ماسەلەلەرىن زەرتتەۋ ورتالىعى ورنالاسادى.
«اتالعان مەكەمەلەردىڭ قىزمەتىن ۇيىمداستىرۋ ءدىني قاتىناستار سالاسىنداعى مەملەكەتتىك ساياساتتى ءتيىمدى ىسكە اسىرۋعا ىقپال ەتەدى» دەيدى ايماق باسشىسى.
ەسكە سالا كەتەيىك، ءبىز بۇعان دەيىن قوستانايداعى «اقمەشىت» وبەكتىسىندە عىلىمي رەكونسترۋكتسيا جۇرگىزىلىپ جاتقانىن جازعان بولاتىنبىز.
اۆتور: جانات قاپالبايەۆا