كوروناۆيرۋس: قازاقستاندا تاعى ءبىر ءوڭىر «سارى» ايماققا كىردى

نۇر-سۇلتان. قازاقپارات - ق ر دەنساۋلىق ساقتاۋ مينيسترلىگى 8-قاڭتارداعى جاعداي بويىنشا ەل وڭىرلەرىندەگى ەپيدەميولوگيالىق احۋالدى باعالاۋ ماتريتساسىن جاريالادى، دەپ حابارلايدى قازاقپارات ءتىلشىسى.

باعالاۋ ماتريتساسىنا سايكەس، كەشە، ياعني 7-قاڭتاردا اتىراۋ وبلىسى «قىزىل» ايماقتان شىققان ەدى. وسىلايشا، «قىزىل» ايماقتا قازاقستاننىڭ ءبىر دە ءبىر ءوڭىرى قالماعان.

«قىزىل» ايماقتار بويىنشا بۇگىنگى ماتريتسا وزگەرىسسىز قالدى. تەك «سارى» ايماققا الماتى مەن نۇر-سۇلتان قالالارى، اتىراۋ، اقمولا، سولتۇستىك قازاقستان، قوستاناي، پاۆلودار وبلىستارىمەن قاتار ەندى باتىس قازاقستان كىردى. قالعان وڭىرلەردىڭ بارلىعى - «جاسىل» ايماقتا. جالپى قازاقستان اۋماعى كوروناۆيرۋس بويىنشا «جاسىل» ايماقتا تۇر.

اۆتور: ايان بەكەن ۇلى