ليونەل مەسسي چەمپيوندار ليگاسى رەكوردىن جاڭارتتى

نۇر- سۇلتان. قازاقپارات - ايگىلى فۋتبولشى ليونەل مەسسي UEFA چەمپيوندار ليگاسى رەكوردىن جاڭارتتى، دەپ حابارلايدى قازاقپارات ءتىلشىسى اتالعان ۇيىمنىڭ سايتىنا سىلتەمە جاساپ.

وتكەن جىلدىڭ قازان ايىندا «بارسەلونا» كەزدەسكەن ۆەنگريالىق «فەرەنتسۆاروش» مەسسيدىڭ چەمپيوندار ليگاسىندا گول سوققان 39- كوماندا بولىپ تاريحقا ەندى. بۇل - اتالعان ءتۋرنيردىڭ رەكوردى. يسپانيانىڭ «بارسەلونا» كومانداسىنىڭ جارتىلاي قورعاۋشىسى بۇگىنگە دەيىن جاسىل الاڭ تورىندە وتكىزگەن 12310 مينۋت ىشىندە قارسىلاستار قاقپاسىن 121 مارتە ءدال كوزدەدى. ول ءاربىر 101 مينۋت، 44 سەكۋندتا ءبىر گولدىڭ اۆتورى اتانىپ ۇلگەرگەن.

ارگەنتينالىق فۋتبولشى ەۋروكۋبوك ويىندارىندا 17 ەلدىڭ 43 كومانداسىمەن كەزدەستى. ولاردىڭ اراسىندا «اتلەتيكو» (يسپانيا)، «بەنفيكا» (پورتۋگاليا)، «رۋبين» (رەسەي) جانە يتاليانىڭ «ينتەر» جانە «ۋدينەزە» كلۋبتارىنا گول سوعا العان جوق.