سپورتپەن بەلسەندى اينالىساتىن ەلدەر رەيتينگى. قازاقستان قاي ورىندا؟

نۇر-سۇلتان. قازاقپارات - ورتا ەسەپپەن العاندا ادام كەمىندە اپتاسىنا ءبىر رەت سپورتپەن شۇعىلدانادى ەكەن.

قازىر جاتتىعۋ جاساۋ، بەلسەندى قيمىلداۋ، سالاماتتى ءومىر سالتىن ۇستانۋ - دەنساۋلىققا پايدالى ءىس قانا ەمەس، ءسان دە.

جۋىردا ساراپشىلار سپورتپەن بەلسەندى اينالىساتىن ەلدەر رەيتينگىن جاساپ شىعىپتى. رەيتينگ بەلگىلى ءبىر تالاپتار بويىنشا تۇزىلگەن. ماماندار ءار ەلدىڭ حالىقارالىق جارىستارداعى جەتىستىكتەرىنە، FIFA رەيتينگى، ستاديوندارى مەن حالىقتىڭ سپورتپەن شۇعىلدانۋ دەڭگەيىنە ءمان بەرگەن. ولاي بولسا رەيتينگكە نازار سالساق.

1. ا ق ش

امەريكا قۇراما شتاتتارىندا ستاديوندار كوپ. حالىقارالىق تالاپتارعا ساي 367 ءى بار. ال وليمپيادا ويىندارىندا (قىسقى جانە جازعى) بۇل ەلدىڭ قۇراماسى ورتا ەسەپپەن العاندا 56,54 مەدال ەنشىلەيدى.

ا ق ش- تا امەريكالىق فۋتبول سپورتى تانىمال. كادۋىلگى فۋتبولعا كەلەتىن جانكۇيەرلەر سانى كوپ ەمەس. ەسەسىنە باسكەتبولدان NBA ويىندارىن كوگىلدىر ەكراننان تاماشالايتىن كورەرمەندەر سانى جەتىپ ارتىلادى.

2. رەسەي

رەيتينگتە رەسەي فەدەراتسياسى ەكىنشى ورىندا تۇر. جاقىندا عانا شەشىمى شىققان دوپينگ داۋى بۇل ەلدىڭ كەلەر جىلعى رەيتينگىنە اسەر ەتەرى داۋسىز.

3. قىتاي

اسپان استى ەلى كەيىنگى جىلدارى وليمپيادا، ازيا پاراليمپيادا ويىندارى، ۋنيۆەرسيادا سىندى ءىرى جارىستاردى وتكىزدى. حالىقارالىق جارىستاردى ۇيىمداستىرۋدان دا قالىس قالماي كەلەدى. ناتيجەسىندە ءۇشىنشى ورىندى ەنشىلەپ وتىر.

قىتايدا حالىقتىڭ كوپشىلىگى جۇگىرۋ سپورتى جانە يوگامەن بەلسەندى اينالىسادى.

4. گەرمانيا

ستاتيستيكا بويىنشا بۇل ەلدەگى 10 تۇرعىننىڭ 8-دە ۆەلوسيپەد بار ەكەن. بۇل كورسەتكىش حالىقتىڭ سپورتپەن شۇعىلدانۋ دەڭگەيىن كوتەرەدى. ودان وزگە فۋتبولدان گەرمانيا قۇراماسىنىڭ جەتىستىگى جوعارى. وليمپيادا ويىندارىندا دا سپورتشىلارى ۇزدىكتەر قاتارىندا.

بۇل ەلدەگى تانىمال سپورت ءتۇرى - ۇلكەن تەننيس. الەمدە تەننيس ۇيىمى ەڭ كوپ مەملەكەت. شامامەن، ەكى ميلليونعا جۋىق حالىق مۇشە رەتىندە تىركەلگەن.

5. فرانسيا

فۋتبولدان فرانسيا ۇلتتىق قۇراماسى قازىرگى تاڭدا الەم چەمپيونى اتاعىنا يە. رەگبيدەن دە جەتىستىگى جەتەرلىك. الەم چەمپيوناتىنا قاتىسپاي قالعان كەزى بولعان ەمەس.

ءالپى تاۋىندا سنوۋبوردينگ دامىعان. حالىقارالىق دەڭگەيدەگى ۆەلوسيپەد تۋرنيرى بار. فرانسۋز سپورتشىلارى وليمپيادا ويىندارىنان قالىس قالعان ەمەس. 2024-جىلعى جازعى وليمپيادا پاريجدە وتەدى.

رەيتينگتە گەرمانيا، فرانسيا، ۇلى بريتانيا جانە اۋستراليا 22 ۇپايمەن ءبىر قاتاردا ورنالاسقان. ال قازاقستان شە؟

قازاقستان 15 ۇپايمەن 54 پەن 63-ورىندار اراسىنا جايعاسقان. ليتۆا، مىسىر، گرۋزيا، الجير، كامەرۋن، ۋگاندا، گانا، كونگو دەموكراتيالىق رەسپۋبليكاسى جانە بۋركينا-فاسو ەلدەرىمەن ءبىر قاتاردا تۇر.

كۋۆەيت، ميكرونەزيا، كيريۆاتي جانە مارشالل ارالدارى كوش سوڭىنا ورنالاسقان.

massaget.kz