جامبىل وبلىسىندا جابايى قابان اتىپ العان براكونەر ۇستالدى
مامانداندىرىلعان «ساپسان» جەدەل قىزمەتىنىڭ كەزەكتى رەيد شاراسى كەزىندە ينسپەكتورلار زاڭسىز اڭ اۋلاۋ فاكتىسىن انىقتادى.
ناقتىلاي ايتقاندا ينسپەكتورلار مويىنقۇم اۋدانىنداعى قوڭىرباي قىستاۋىنىڭ ماڭىنان اڭ اۋلاعان 26 جاستاعى كۇدىكتى ۇستالدى.
بۇل تۋرالى وبلىستىق تابيعي رەسۋرستار جانە تابيعات پاۋدالانۋدى رەتتەۋ باسقارماسىنىڭ باسپا ءسوز قىزمەتى حابارلادى.
«تەكسەرۋ كەزىندە ۇستالعان ازاماتتىڭ 1 جابايى قاباندى اتىپ العاندىعى بەلگىلى بولدى. سونىمەن قاتار، ودان ەش جەردە تىركەلمەگەن زاڭسىز 16 كاليبرلى قوساۋىز اڭشى مىلتىعى بار ەكەنى انىقتالىپ، مويىنقۇم اۋداندىق ءى ءى ب- نە وتكىزىلدى»، - دەلىنگەن باسقارما حابارلاماسىندا.
ۇستالعان جىگىتكە وقيعا ورنىندا اكىمشىلىك قۇقىق بۇزۋشىلىق بويىنشا حاتتاما تولتىرىلىپ، 250 ايلىق ەسەپتىك كورسەتكىش كولەمىندە ايىپپۇل سالىندى.