راۋشان امىرەنوۆا: مەملەكەتتىك ءتىلدى ءبىلۋ - قوعام قاجەتتىلىگى
«ءار مادەنيەتتى ازامات ءۇشىن ءوز وتانىن، وسكەن ولكەسىن، ونىڭ تاريحىن، مادەنيەتىن، ءتىلىن ءبىلۋ پارىز. حالىقتىڭ تاريحىن، مادەنيەتىن، ءتىلىن، رۋحاني بايلىعىن ءبىلۋ - ادامدا حالىققا دەگەن قۇرمەت سەزىمىن وياتادى. مەملەكەتتىك ءتىلىمىزدىڭ قوعامدىق ءومىردىڭ ءار سالاسىندا كەڭىنەن قولدانىلۋى - ۇلتتى بىرىكتىرۋگە جەتەلەيتىن فاكتور ەكەنى بارشامىزعا ءمالىم»، - دەدى راۋشان امىرەنوۆا.
سونىمەن بىرگە ول قازاقستان ءتىل ماسەلەسىندە اقىرىن ءجۇرىپ، انىق باسىپ كەلە جاتقان ەل ەكەنىن اتاپ ءوتتى.
ونىڭ سوزىنشە، بۇل كوزدەگەن مۇراتقا، بەلگىلەنگەن مەجەگە جەتۋدىڭ دۇرىس جولى ەكەنىن ۋاقىتتىڭ ءوزى كورسەتىپ وتىر.
«ءتىل - حالىقتىڭ جان-دۇنيەسى، رۋحاني نەگىزى مەن ەل ەركىندىگىن، ۇلتتىڭ ۇلىلىعىن تانىتاتىن باستى كۇش، ۇلت بولمىسىن ۇعىندىرىپ، جالپى جۇرتتى توڭىرەگىنە توپتاستىرۋشى، بىرىكتىرۋشى. سوندىقتان مەملەكەتتىك ءتىلدى ءبىلۋ - ءومىر تالابى، زامان سۇرانىسى، قوعام قاجەتتىلىگى دەگەن ءجون بولار. ءتىلدى ءومىردىڭ بارلىق سالاسىندا قولدانىپ، اياسىن كەڭەيتۋ جولىندا ءاربىر قازاقستاندىق ءوزىنىڭ ازاماتتىق مىندەتىن اتقارعاندا عانا ول ناتيجەلى بولاتىنىنا كۇن سايىن كوز جەتىپ كەلەدى. ءوزىمىزدىڭ پارىزىمىزدى ادال ورىنداپ، قازاق ءتىلى عۇمىرىنىڭ ماڭگى بولۋىنا ۇلەس قوسايىق»، - دەپ تۇيىندەدى راۋشان امىرەنوۆا.