قاسىم- جومارت توقايەۆ ارمەنيا پرەزيدەنتىنە كوروناۆيرۋستان جىلدام ساۋىعۋىن تىلەدى
«پرەزيدەنت ارمەن ساركيسياننىڭ @Arm_President كوروناۆيرۋستان جىلدام ايىعىپ كەتۋىنە جانە ارمەنيا حالقىنىڭ يگىلىگى ءۇشىن مەملەكەتتىك قىزمەتكە قايتا ورالۋىنا تىلەكتەسپىن. ءبىزدىڭ ەلدىرىمىز بەن ءبۇتىن الەمنىڭ بەلسەندى كۇش- جىگەرى COVID-19-دى جەڭۋگە ىقپال ەتەتىنىنە سەنىمدىمىن»، - دەپ جازدى ق. توقايەۆ Twitter- دەگى پاراقشاسىندا.
ارمەنپرەسس اقپارات اگەنتتىگىنىڭ حابارلاۋىنشا، ا. ساركيسيان جاڭا جىلدى لوندوندا وتباسىمەن جانە نەمەرەلەرىمەن بىرگە قارسى الدى.
«3-قاڭتاردا لوندوندا پرەزيدەنت ساركيسياننىڭ اياعىنا وپەراتسيا ءساتتى جاسالعان بولاتىن. الايدا، پرەزيدەنتتە سونداي- اق كوروناۆيرۋستىڭ جاڭا ءتۇرىنىڭ بەلگىلەرى كورىنىس بەرگەن. تاپسىرعان تەستى وڭ ناتيجە كورسەتتى.. . پرەزيدەنت ساركيسيان ءوز قىزمەتىن ۋاقىتشا قاشىقتان جالعاستىرادى»، - دەپ ءمالىم ەتكەن ارمەنپرەسسكە ارمەنيا رەسپۋبليكاسى پرەزيدەنتىنىڭ ب ا ق جانە قوعاممەن بايلانىس باسقارماسىنان.