ديماش قۇدايبەرگەن ا ق ش پرەزيدەنتىن ۇلىقتاۋ اپتالىعىنىڭ اشىلۋىندا ونەر كورسەتەدى
ءداستۇر بويىنشا بۇل ءىس-شارانى باۋىرلاس قالالار قاۋىمداستىعى - «Sister Cities International» ۇيىمى وتكىزەدى. ا ق ش- تىڭ جاڭادان سايلانعان پرەزيدەنتى دجوزەف بايدەن بۇل ۇيىمنىڭ قۇرمەتتى تەڭ ءتوراعاسى بولدى. سونىمەن قاتار بۇل ءىس- شاراعا ديپلوماتيالىق كورپۋس تا قاتىسادى.
كوروناۆيرۋس پاندەمياسىنا بايلانىستى مەرەكە 2021 -جىلدىڭ 17-قاڭتارىندا ساعات 19:00-دەن 21:00-گە دەيىن (نۇر-سۇلتان ۋاقىتى بويىنشا ساعات 6:00-دەن 8:00-گە دەيىن) ونلاين رەجيمدە وتەدى. ايتا كەتەرلىگى، ۆاشينگتوندا ورنالاسقان «Sister Cities International» حالىقارالىق ۇكىمەتتىك ەمەس ۇيىمىنىڭ نەگىزىن 1953 -جىلى ا ق ش- تىڭ 34-پرەزيدەنتى دۋايت ەيزەنحاۋەر قالاعان. سول كەزدەن بەرى ا ق ش پرەزيدەنتتەرى دجون ف. كەننەدي، ۇلكەن دجوردج بۋش، بيلل كلينتون، باراك وباما جانە دونالد ترامپ بۇل ۇيىمنىڭ قۇرمەتتى تەڭ ءتوراعالارى بولدى. 70 جىلعا جۋىق تاريحىندا «Sister Cities International» ا ق ش قالالارى جانە ونىڭ 130 دان اسا مەملەكەتتەگى باۋىرلاس قالالارىنىڭ ءوزارا ارەكەتتەسۋىنە بايلانىستى كوپتەگەن ءىس- شارانى وتكىزگەن.
وسى جىلى «Sister Cities International» سەگىز مارتە «گرەممي» جۇلدەگەرى - اڭىزعا اينالعان ءانشى دايون ۋورۆيككە ۇزاق جىلدار ەتكەن ەڭبەگى ءۇشىن ماراپات ۇسىنادى. سونىمەن قاتار، دايون ۋورۆيكتىڭ الەمگە «The Weeknd» رەتىندە بەلگىلى ءۇش مارتە «گرەممي» جۇلدەگەرى ابەل تەسفايمەن بىرلەسىپ جۇمىس ىستەي باستاعانى بەلگىلى بولدى.
«Sister Cities International» ۇيىمىنىڭ نەگىزى قالانعالى جانە ا ق ش پەن قازاقستاننىڭ قارىم- قاتىناسى تاريحىندا العاش رەت جاڭا سايلانعان ا ق ش پرەزيدەنتىنىڭ يناۋگۋراتسياسىن تويلاۋ اپتالىعىن اشۋشى ءىس- شاراعا قازاقستاندىق ءانشى - ديماش قۇدايبەرگەن قاتىسادى.
«Sister Cities International» ءىس- شاراسىنان ءبىر كۇن بۇرىن، 16-قاڭتاردا قازاقستاندىق ورىنداۋشىنىڭ «DIMASH DIGITAL SHOW» اتتى العاشقى ونلاين-كونسەرتى وتكىزىلەتىنىن دە اتاپ ءوتۋ كەرەك. وعان بيلەتتەردى مىنا سىلتەمەدە ساتىپ الۋعا بولادى.