بۇرىنعى دەنساۋلىق ساقتاۋ ءمينيسترىنە قاتىستى ءىستى تەرگەۋگە كەدەرگى كەلتىرگەندەر زاڭ الدىندا جاۋاپ بەرەدى
قارجى مونيتورينگى كوميتەتى كۋاگەرلەردىڭ جاۋاپتان جالتارىپ، تەرگەۋگە كەدەرگى كەلتىرىپ جاتقانى جايلى جاريالادى. وسى فاكتى بويىنشا تاعى ءبىر قىلمىستىق ءىس قوزعالعان. كوميتەت تاراتقان اقپاراتتا:
«بۇل تۇلعالار ەكس- باسشىلارىنا قاتىستى قىلمىستىق ءىس بويىنشا تەرگەۋدىڭ بارىسى مەن ناتيجەلەرى تۋرالى شىندىققا سايكەس كەلمەيتىن اقپاراتتى زاڭسىز جيناقتاپ، جاريالاۋ ارقىلى تەرگەۋگە كەدەرگى كەلتىرگەن» دەلىنگەن. وزگە اقپارات سوتقا دەيىنگى تەرگەۋ دەرەكتەرىن جاريا ەتپەۋ ماقساتىندا ايتىلماي وتىر.
ەسكە سالساق، وسى جىلدىڭ 3 - قاراشاسىندا قارجى مونيتورينگى كوميتەتى ەكس- دەنساۋلىق ساقتاۋ ءمينيسترى ەلجان ءبىرتانوۆقا قاتىستى ءىس قوزعالعانىن ايتقان. ول بيۋدجەت قارجىسىن اسا ءىرى مولشەردى تالان- تاراجعا سالدى دەگەن كۇدىككە ىلىگىپ، ءۇيقاماقتا وتىر. كەيىن ءبىرتانوۆتىڭ ورىنباسارى بولعان ولجاس ابىشيەۆ تە 2 اي مەرزىممەن قاماۋعا الىنعان بولاتىن.
www.24.kz