دەنساۋلىق مينيسترلىگىنىڭ بۇرىنعى قىزمەتكەرلەرىنە قاتىستى تەرگەۋگە كەدەرگى كەلتىرىلمەك بولعان – كوميتەت

نۇر- سۇلتان. قازاقپارات - دەنساۋلىق ساقتاۋ مينيسترلىگىنىڭ بۇرىنعى لاۋازىمدى جانە باسقا تۇلعالارىنا قاتىستى تەرگەۋگە كەدەرگى كەلتىرۋ فاكتىسى بويىنشا سوتقا دەيىنگى تەرگەۋدى جۇرگىزىلىپ جاتىر، دەپ حابارلايدى قازاقپارات قارجى مونيتورينگى كوميتەتىنىڭ باسپاءسوز قىزمەتىنە سىلتەمە جاساپ.

كوميتەتى 23 - جەلتوقساندا دەنساۋلىق ساقتاۋ مينيسترلىگىنىڭ لاۋازىمدى جانە باسقا تۇلعالارىنا قاتىستى تەرگەۋگە كەدەرگى كەلتىرۋ فاكتىسى بويىنشا قىلمىستىق كودەكستىڭ 407-بابى 3-بولىمىنە سايكەس سوتقا دەيىنگى تەرگەۋدى باستادى.

«بۇل تۇلعالار قىلمىستىق پروتسەستىڭ قاتىسۋشىلارى ەمەس، ق ر دەنساۋلىق ساقتاۋ مينيسترلىگىنىڭ ەكس- باسشىلارىنا قاتىستى قىلمىستىق ءىس بويىنشا تەرگەۋدىڭ بارىسى مەن ناتيجەلەرى تۋرالى شىندىققا سايكەس كەلمەيتىن اقپاراتتى زاڭسىز جيناقتاۋ، بەرۋ جانە جاريالاۋ ارقىلى تەرگەۋگە كەدەرگى كەلتىرگەن»، دەلىنگەن حابارلامادا.

ۆەدومستۆونىڭ مالىمدەۋىنشە، ق ر قىلمىستىق- پروتسەسسۋالدىق كودەكسىنىڭ 201-بابىنىڭ 1-بولىمىنە سايكەس سوتقا دەيىنگى تەرگەپ- تەكسەرۋ بارىسى تۋرالى وزگە اقپارات جاريالانبايدى.

اۆتور: بالنۇر قوجاگەلدى