جانۋارلارعا قاتىگەزدىك كورسەتكەندەرگە جازا بارىنشا كۇشەيتىلۋى مۇمكىن
ەندى جانۋارلارعا قاتىگەزدىك كورسەتكەندەرگە 5,8 ميلليون تەڭگەگە دەيىن ايىپپۇل سالىنۋى نەمەسە 2 جىلعا دەيىن باس بوستاندىعىنان ايىرىلۋى مۇمكىن. قازاقستاننىڭ ەكولوگيا، گەولوگيا جانە تابيعي رەسۋرستار مينيسترلىگى «جانۋارلارعا جاۋاپكەرشىلىكپەن قاراۋ تۋرالى» زاڭ جوباسىنا قانداي وزگەرىستەر ەنگىزىلۋى مۇمكىن ەكەنىن ايتتى.
مينيسترلىكتىڭ باسپا ءسوز حاتشىسى سامال يبرايەۆا زاڭ جوباسى ماجىلىسكە قايتارىلعانىن اتاپ ءوتتى. قۇجاتتى 2020 -جىلى ۆەدومستۆو قوعام، دەپۋتاتتار مەن زووتەحنيكتەردىڭ پىكىرىن ەسكەرە وتىرىپ ازىرلەگەن ەدى.
«مينيسترلىك مەملەكەتتىك ورگانداردىڭ ۇسىنىستارىن ەسكەرە وتىرىپ زاڭ جوباسىنا ۇكىمەت قورىتىندىسىن دايىندادى. 25-جەلتوقساندا قۇجات ماجىلىسكە جىبەرىلدى. ۇكىمەت قورىتىندىسى بويىنشا، مەملەكەتتىك ورگاندار زاڭداعى جەكەلەگەن نورمالاردى قولداماعان. سەبەبى، ولار قولدانىستاعى زاڭنامالىق اكتىلەردە بولعان»، - دەيدى يبرايەۆا.
ونىڭ ايتۋىنشا، قوعامنىڭ پىكىرىن ەسكەرە وتىرىپ، ءماجىلىس زاڭ جوباسىن پىسىقتاۋى كەرەك. ونىڭ ىشىندە، ق ر قىلمىستىق كودەكسىنىڭ 316-بابى بويىنشا جانۋارلارعا قاتىگەزدىك كورسەتكەنى ءۇشىن جازانى قاتاڭداتۋ ماسەلەسى دە بار. مىسالى، قوعام بەلسەندىلەرى وسى باپ بويىنشا ايىپپۇلدى 2000 ا ە ك- كە دەيىن ۇلعايتقىسى كەلەدى، بۇل قازىرگى ۋاقىتتا 5556000 تەڭگە. ءبىراق 2021 -جىلدان باستاپ ا ە ك-تى 2917 تەڭگەگە دەيىن ارتتىرۋمەن بىرگە ايىپپۇل 5834000 تەڭگە بولادى.
«زاڭ جوباسىندا جانۋارلارعا قاتىگەزدىك كورسەتكەنى ءۇشىن ق ر قىلمىستىق كودەكسىنىڭ 316-بابى بويىنشا جازانى كۇشەيتۋ جانە ايىپپۇلدى 2000 ا ە ك- كە دەيىن كوبەيتۋ نەمەسە 2 جىلعا دەيىن باس بوستاندىعىن شەكتەۋ جازاسى قاراستىرىلىپ وتىر. سونىمەن قاتار، ق ر اكىمشىلىك قۇقىق بۇزۋشىلىق كودەكستىڭ 408-بابى بويىنشا مالدى جايۋ ەرەجەلەرىن، يتتەر مەن مىسىقتاردى اسىراۋ جانە سەرۋەندەتۋ ەرەجەلەرىن، قاڭعىباس يتتەر مەن مىسىقتاردى اۋلاۋ جانە جويۋ ەرەجەلەرىن بۇزعانى ءۇشىن ايىپپۇلدى 20 ا ە ك- كە دەيىن كوبەيتۋ (2021 -جىلعى 1-قاڭتاردان باستاپ - 58340 تەڭگە) كوزدەلىپ وتىر»، - دەيدى باسپا ءسوز حاتشىسى.
يبرايەۆا زاڭ جوباسىندا ءبىرقاتار باسقا ۇسىنىس بار ەكەنىن اتاپ ءوتتى: جانۋارلارعا قاتىگەزدىك كورسەتۋدى ناسيحاتتاۋعا تىيىم سالۋ، ولاردى كوممەرتسيالىق ماقساتتا پايدالانۋعا قويىلاتىن تالاپتاردى كۇشەيتۋ.