قايرات نۇرتاس پەن ايقىن تولەپبەرگەندى شاقىرعان اقتوبەلىك كاسىپكەرلەر ايىپپۇل تولەدى

اقتوبە. قازاقپارات - اقتوبەدە كارانتين ەرەجەسىن ساقتاماي، انشىلەردى ۇجىمدىق كەشكە شاقىرعان كاسىپكەرلەرگە ايىپپۇل سالىندى.

بۇل تۋرالى وبلىستىق سانيتارلىق- ەپيدەميولوگيالىق باقىلاۋ دەپارتامەنتىنىڭ باسشىسى نۇرسۇلۋ بەركىمبايەۆا وڭىرلىك كوممۋنيكاتسيالار قىزمەتىندە وتكەن بريفينگتە ايتتى، دەپ حابارلايدى قازاقپارات ءتىلشىسى.

اقتوبە وبلىسى بويىنشا وتكەن تاۋلىكتە 4 ادامنان كوروناۆيرۋس ينفەكسياسى انىقتالدى. بارلىعى دا اقتوبە قالاسىنىڭ تۇرعىنى. باسپاءسوز ءماسليحاتى كەزىندە وبلىستىق سانيتارلىق- ەپيدەميولوگيالىق باقىلاۋ دەپارتامەنتىنىڭ باسشىسى نۇرسۇلۋ بەركىمبايەۆا قازاقستان جۇلدىزدارىنىڭ كارانتين تالابىن ساقتاماعانىن باسا ايتتى. مۇنداي تەكسەرۋ الداعى ۋاقىتتا دا جالعاسادى.

«مونيتورينگ توبىنىڭ جۇمىسى جالعاسىپ جاتىر. ماسەلەن، قايرات نۇرتاس قاتىسقان شارا بويىنشا «Auz.T» تاماقتانۋ جەلىسىنىڭ (فاستفۋد) يەسىنە 319470 تەڭگە كولەمىندە (قىسقارتىلعان تۇرىندەگى) ايىپپۇل سالىندى. اكىمشىلىك قۇقىقبۇزۋشىلىق تۋرالى كودەكستىڭ 810-بابىنا سايكەس ءبىر اپتا ىشىندە وتەسە، ايىپپۇلدىڭ تەك % 50 تولەۋگە رۇقسات بەرىلەدى. سونىمەن بىرگە ايقىن تولەپبەرگەن قاتىسقان شارا بويىنشا «ارۆانا- گراند پارك» لاۋنج- ءبارىنىڭ زاڭدى تۇلعاسىنا قاتىستى تەكسەرۋ اكتىسى تولتىرىلىپ، جەكە تۇلعا ز. تۋحمۋحامبەتوۆاعا 41670 تەڭگە كولەمىندە (قىسقارتىلعان تۇرىندەگى) ايىپپۇل سالىندى. ولاردىڭ ۇجىمدىق، ويىن- ساۋىق ءىس- شارالارىن وتكىزگەنى، كەلۋشىلەردە جانە ۇيىمداستىرۋشىلاردا مەديتسينالىق بەتپەردە بولماعانى جانە ادامدار اراسىنداعى الەۋمەتتىك اراقاشىقتىق ساقتالماعانى بەلگىلى بولدى»، - دەپ ناقتىلادى وبلىستىق سانيتارلىق- ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى.

ايتا كەتەيىك، اقتوبە وبلىسى بويىنشا قازىر 112 ادام كوروناۆيرۋس ينفەكتسياسىنان ەم قابىلداپ جاتىر. ونىڭ 28- ءى ينفەكسيالىق ستاتسيوناردا. پنيەۆمونيا بويىنشا سوڭعى تاۋلىكتە 2 جاعداي تىركەلدى. بارلىعى 60-قا جۋىق ادام دارىگەر باقىلاۋىندا. ونىڭ ىشىندە 13- ءى جانساقتاۋ بولىمىندە بولسا، بىرەۋى وكپەنى جاساندى جەلدەتۋ اپپاراتىنا قوسىلعان. ال 29 ناۋقاس كارانتيندىك ستاتسيوناردا جاتىر.

اۆتور: التىناي ساعىندىقوۆا