روسسيا راديوسىنىڭ ءتىلشىسى ديماشقا تىلگە قاتىستى بىرنەشە سۇراق قويدى
جاڭا جىل قارساڭىندا ديماش قۇدايبەرگەن رەسەيدەگى مەرەكەلىك باعدارلاما تۇسىرىلىمدەرىنە قاتىسىپ، بىرنەشە ب ا ق- قا سۇقبات بەردى. سونىڭ ءبىرى - «روسسيا راديوسىنا» بەرگەن سۇقباتىندا ديماش قازاق تىلىنە قاتىستى جۋرناليستتىڭ بىرنەشە سۇراعىنا جاۋاپ بەردى، دەپ حابارلايدى zakon.kz.
- ... ءسىز ءۇشىن «سلاۆيان بازارى» ترامپلين بولدى. وندا گران- پري ۇتىپ الامىن دەپ ويلاماعان دا بولارسىز. ءسىز وندا «بەلوۆەجسكايا پۋشا» ءانىن ورىندادىڭىز. ونى بۇرىننان بىلەسىز بە الدە بايقاۋ الدىندا جاتتادىڭىز با؟
- مەن ونى بۇرىننان ايتاتىنمىن.. .
- ال ءۇي- ءىشىڭىز ورىس تىلىندە سويلەيدى مە؟ دەگەنمەن ءسىزدىڭ تۋعان جىلىڭىز ورىس ءتىلى پوستكەڭەستىك كەڭىستىكتە تارتىمدىلىعى السىرەپ بارا جاتقان تۇسقا ساي كەلەدى، جاستار فرانسۋز، اعىلشىن ءتىلىن مەڭگەرۋگە ۇمتىلدى. ءوزىڭىز دە سەگىز تىلدە ءان سالاسىز عوي...
- شەت تىلىندە ءان سالۋ دەگەن سول ءتىلدىڭ ءبارىن جەتىك ءبىلۋ دەگەندى بىلدىرمەيدى.. .
- كەڭەس وداعى ىدىراعاندا ءسىز ۇشتە بولعان ەكەنسىز. ءبارى جاپپاي شەت ءتىلىن مەڭگەرۋگە ۇمتىلعان كەز. جالپى، ۇيىڭىزدە ورىس تىلىندە سويلەسەسىزدەر مە؟ ..
- ءبىزدىڭ ۇيدە تەمىردەي قاتاڭ ءتارتىپ بار. اتام دا، اكەم دە، اپام دا، انام دا بارىمىزگە قازاق تىلىندە سويلەۋدى بۇيىراتىن. مەن مۇنى دۇرىس دەپ بىلەمىن. ءار ۇلت وكىلى، ەڭ الدىمەن، ءوز انا ءتىلىن سىيلاۋى ءتيىس، ارينە ءوز تىلىندە كوبىرەك سويلەۋگە تىرىسۋى كەرەك. سونداي ءبىر وتپەلى كەزەڭدە ەلىكتەۋشىلىككە بوي الدىرماي، قازاقءتىلدى جاس بولىپ وسكەنىمدى ماقتان ەتەمىن.
- دەگەنمەن ءسىز شەت تىلىندە ءان سالىپ ءجۇرسىز عوي...
- ءيا، يتاليان تىلىندە وپەرا، ورىس تىلىندە رومانستار، نەمىسشە جانە تاعى باسقا تىلدەگى اندەردى وقىپ جۇرگەندە دە، قازىر دە ايتامىن.. .
- ءسىزدى تانىمال ەتكەن ءان قايسى دەپ ەسەپتەيسىز؟
- فرانسۋز ءانى S. O. S جانە كوپتەگەن بايقاۋلاردا ورىنداعان قازاق ءانى - «دايديداۋ» ...
- ونى ءسىز «سلاۆيان بازارى» بايقاۋىندا ورىندادىڭىز عوي دەيمىن، ءيا ...
- ءيا. جارتىلاي بايقاۋدا ورىندادىم.
- قازىر ونى قانشالىقتى ءجيى ورىندايسىز، ول كوپ تاراپىنان قانشالىقتى سۇرانىسقا يە. ويتكەنى جاڭا اندەر شىعىپ جاتىر دەگەندەي ...
- ءبىراق، «دايديداۋ» ءانى مەنىڭ ومىرىمدە ۇلكەن ورىن الادى. ءبىز وسى ءاندى كەزەكتى ءبىر حالىقارالىق بايقاۋعا دايىنداپ، ورانجيروۆكاسىن جاساپ جاتقاندا، ول انمەن بۇكىل الەمدى ارالاپ، ورىنداۋ تۋرالى ارمانىم بولعان ەدى. وسى ءان ستاديون تولى ادامدى جيناپ، شەتەلدىكتەر ونى مەنىڭمەن بىرگە ورىنداسا دەپ قيالعا بەرىلدىم. ءالى ەسىمدە، بۇل ءاندى «سلاۆيان بازارىندا» ورىنداعان كەزدە جارتىلاي فينالدى «رەسەي ءبىرىنشى تەلەارناسى» تۇسىرمەيتىن بولعانىن بىلەمىن. ويتكەنى، ارينە ول فينال بولماعاندىقتان. ارينە، كىشكەنە كوڭىلىم بۇزىلدى. قازاق ءانىن وسىنداي ۇلكەن تەلەارنانىڭ ەفيرىنە الىپ شىعا الماعانىم ءۇشىن. جاستىق امبيتسيا، 19 با الدە 20 جاستامىن با، تۇسىنەسىز عوي مەنى (كۇلەدى). وسى بايقاۋدا گران- پري ۇتىپ الامىن. وسىدان كەيىن مەنى «رەسەي ءبىرىنشى تەلەارناسى» تۇسىرەتىن گالا- كونسەرتكە شاقىرادى. رەجيسسەرگە جاقىنداپ كەلىپ، ولار تاڭداعان ءاندى ورىندامايتىنمدى، «دايديداۋدى» ورىندايتىنىمدى ايتقانىم ءالى ەسىمدە. ال ولار ماعان وزگە ءاندى ورىنداۋعا كەڭەس بەردى. ويتكەنى...
- ويتكەنى قازاق ءتىلىنىڭ قولدانىس اياسى شەكتەۋلى عوي ...
- ءيا، سونى ايتۋعا اۋزىم بارماي تۇر عوي. ارينە، قازاق ءتىلى اعىلشىن ءتىلى ەمەس، دەگەنمەن وتە باي ءارى كوركەم ...
- ءان سالۋعا دا وتە جاقسى، مەن ءسىزدىڭ ورىنداۋىڭىزدان بايقايمىن، قۇلاققا وتە جاعىمدى، ادەمى اندەر ...
- اقىرى ولار بۇل كونسەرتتى بۇرىنعى پوستكەڭەستىك ەلدەر كورەتىنىن، سوندىقتان باسقا ءان تاڭداۋىما كەڭەس بەردى. ءبىراق سوعان قاراماستان مەن ولاردى ءوز دەگەنىمە كوندىردىم. «دايديداۋدى» ورىندايمىن، نە بولماسا ءان سالمايمىن دەپ كەسىپ ايتتىم ...
- مىنەز بارشىلىق دەيسىز عوي ...
- ءيا، پەرىشتەدەي ەمەسپىز. وسى كونسەرتتى ۇيىمداستىرۋشىلارعا مەنى ءتۇسىنىپ، بەتىمنەن قاقپاي، نارازىلىعىمدى تەك جىميا قابىلداعانىنا، مەنىڭ ارمانىمنىڭ ورىندالۋىنا ات سالىسقاندارى ءۇشىن ءوز ريزاشىلىعىمدى بىلدىرەمىن. سول جولى سونداي مەيىرىمدى جاندار جولىقتى ماعان.
(سۇقباتتىڭ بۇل ءۇزىندىسى تومەندەگى اۋديوجازبانىڭ 19 مينۋت 30 سەكۋندىنان باستاپ ءۇزىپ الىنعانىن ەسكە سالامىز)
سۇقباتتىڭ تولىق نۇسقاسىمەن تومەندەگى ۆيدەودان تانىسا الاسىزدار.