قازاقستاندىق جانە رەسەيلىك ۆاكسينانىڭ باعاسى قانشا بولادى

نۇر- سۇلتان. قازاقپارات - قازاقستاندىق جانە رەسەيلىك ۆاكسينالاردىڭ باعاسى قانشا بولادى؟ بۇل سۇراق ورتالىق كوممۋنيكاتسيالار الاڭىندا دەنساۋلىق ساقتاۋ مينيسترلىگىنىڭ وكىلدەرىنە قويىلدى، دەپ حابارلايدى قازاقپارات ءتىلشىسى.

«رەسەيلىك ارىپتەستەردىڭ اقپاراتى بويىنشا، الەمدە جانە ر ف- دا «سپۋتنيك V « ۆاكسيناسىنىڭ، ياعني قوس كومپونەنتتى ۆاكسينانىڭ ءبىر دوزاسىنىڭ قۇنى - 20 ا ق ش دوللارى»، - دەدى ق ر دەنساۋلىق ساقتاۋ ءبىرىنشى ۆيتسە- ءمينيسترى مارات شورانوۆ و ك ق- دا وتكەن باسپا ءسوز ءماسليحاتىندا. جۋرناليستەر سونداي- اق كوروناۆيرۋسقا قارسى وتاندىق ۆاكسينانىڭ باعاسى جونىندە سۇراق قويدى.

«قازىر زەرتتەۋ ءجۇرىپ جاتقاندىقتان، ءبىز بۇل سۇراقتىڭ جاۋابىن سول ۆاكسينانى ازىرلەپ جاتقان مامانداردان كەلەسى جىلدىڭ قاڭتار نەمەسە اقپان ايىندا الامىز. بۇل سۇراقتىڭ تولىققاندى جاۋابىن ءبىلىم جانە عىلىم مينيسترلىگى بەرە الادى»، - دەدى مارات شورانوۆ.

ايتا كەتەرلىگى، قازاقستان قازىرگى ۋاقىتتا «سپۋتنيك V « ۆاكسيناسىن تىركەۋ ماسەلەسىن قاراپ جاتىر. ۆاكسينا 2020 -جىلعى 24 - جەلتوقساننان باستاپ 2021 -جىلعى 21 - قاڭتارعا دەيىن ن. ف. گامالەي اتىنداعى ە م ع ز ي- دا ساپانى باقىلاۋ پروتسەسىنەن وتەدى. تەكسەرۋ ءساتتى وتكەن جاعدايدا 2021 -جىلعى 26 - قاڭتاردان 11 - اقپانعا دەيىن پرەپاراتتى قازاقستان رەسپۋبليكاسىندا تىركەۋ جوسپارلانىپ وتىر.

اۆتور: ايان بەكەن ۇلى