ق ر پرەزيدەنتىنىڭ كومەكشىسى وتاندىق ۆاكسينانى سالدىردى
بۇل جايىندا ق ر ب ع م عىلىم كوميتەتىنىڭ Facebook پاراقشاسىندا جاريالانعان اقپاراتتا ايتىلعان، دەپ حابارلايدى قازاقپارات ءتىلشىسى.
«قازاقستاندىقتاردىڭ كوپشىلىگى زەرتتەۋدىڭ رەسمي حاتتاماسىمەن تىس ەرىكتى تۇردە ۆاكسينا سالدىرۋعا دايىن ەكەندىگىن ءبىلدىرىپ جاتىر. وسى جىلدىڭ 25 - جەلتوقسانىندا ق ر پرەزيدەنتىنىڭ كومەكشىسى ە. ت. كارين كلينيكالىق زەرتتەۋدەن تىس ءوز كەلىسىمىمەن QazCovid-in ۆاكسيناسىن سالدىردى»، - دەلىنگەن كوميتەت اقپاراتىندا.
كوميتەت مالىمەتىنشە، 19 - جەلتوقساندا ق ر ب ع م بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى عالىمدارى ازىرلەگەن QazCovid-in ۆاكسيناسىنا كلينيكالىق سىناقتىڭ Ⅲ فازاسى باستالدى. كلينيكالىق سىناقتىڭ I جانە II فازاسىنا 244 قازاقستاندىق قاتىستى. زەرتتەۋدىڭ الدىن الا ناتيجەلەرى ۆاكسينانىڭ جوعارى قاۋىپسىزدىگىن، يممۋنوگەندىلىگىن جانە تيىمدىلىگىن كورسەتتى. Ⅲ فازاعا 3 مىڭ ەرىكتى قاتىساتىن بولادى. زەرتتەۋدىڭ بارلىق قاتىسۋشىلارىنا ءبىر رەتتىك سىياقى مەن مەديتسينالىق ساقتاندىرۋ تولەنەدى. سوڭعى ۋاقىتتا عىلىم كوميتەتىنە رەسمي ۆولونتەر بولىپ، باعدارلاماعا قوسىلعىسى كەلەتىن قازاقستاندىقتاردىڭ تاراپىنان ءوتىنىم كوپ تۇسۋدە. وسىعان وراي ۆەدومستۆو ەكى قالاداعى زەرتتەۋ جۇرگىزىلەتىن مەديتسينالىق ۇيىمنىڭ مەكەن جايىن جاريالاپ وتىر:
« МИПОكلينكاسى» ج ش س - الماتى ق.، تورايعىروۆ ك. ، 49/1 الماتى قالاسىنىڭ №4 كلينيكاسى، تورايعىروۆ ك. ، 12 «ا» تاراز ق. ، قالالىق كوپبەيىندى اۋرۋحانا، ءال- فارابي ك. ، 2 «ب» ءۇي ق ر ب ع م بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتىنىڭ كلينيكالىق زەرتتەۋگە جاۋاپتى وكىلى بەرىك حايرۋللينىڭ تەلەفون ءنومىرى: 77013823824.
اۆتور: مارلان جيەمباي
