+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

تۇركيادا «اباي» تەلەحيكاياسى كورسەتىلەدى

25 جەلتوقسان 09:41
:ءبولىسۋ
تۇركيادا «اباي» تەلەحيكاياسى كورسەتىلەدى

نۇر-سۇلتان. قازاقپارات - «قازاقستان» تەلەراديوكورپوراتسياسىنىڭ ۇلى ابايدىڭ 175 جىلدىعىنا ارناپ تۇسىرگەن «اباي» تاريحي تەلەحيكاياسى تۇركيادا كورسەتىلمەك، دەپ حابارلايدى Egemen.kz.

تەلەارنا مالىمەتىنشە، تۇركيانىڭ مەملەكەتتىك «TRT» تەلەراديوكورپوراتسياسى ءوز ارنالارىندا «اباي» تەلەحيكاياسىن كورسەتۋگە قىزىعۋشىلىق تانىتقان. قازىر ەكى ارنا اراسىندا كەلىسىم جاسالۋدا. ⠀

«سونىمەن بىرگە سەريالعا ت م د- داعى ەڭ ۇزدىك ونلاين-كينوتەاتر سانالاتىن IVI. RU پلاتفورماسى قىزىعۋشىلىق ءبىلدىرىپ وتىر. قازىرگى ۋاقىتتا كەلىسسوزدەر جۇرگىزىلۋدە»، دەدى تەلەراديوكورپوراتسيانىڭ باسپا ءسوز قىزمەتىنەن.

6 ءبولىمدى تەلەحيكايا اعىلشىن جانە ورىس تىلدىرىنە دە اۋدارىلىپ جاتىر. «اباي» تەلەحيكاياسى مۇحتار اۋەزوۆتىڭ «اباي جولى» رومان-ەپوپەياسىنداعى نەگىزگى وقيعالاردى ارقاۋ ەتە وتىرىپ، اباي ءومىر سۇرگەن كەزەڭدى بەينەلەيدى. تۋىندىنىڭ رەجيسسەرى - مۇرات بيدوسوۆ.

تەلەحيكاياعا جازۋشى-دراماتۋرگ دۋلات يسابەكوۆ كەڭەسشىلىك ەتتى. باستى ءرولدى ق ر ەڭبەك سىڭىرگەن قايراتكەرى بولات ءابدىلمانوۆ سومدادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات