پەداگوگ كۇن سايىن ەكى قۇجاتتى عانا تولتىرۋعا مىندەتتى
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتىپ بەردى، دەپ حابارلايدى قازاقپارات ءتىلشىسى.
«بۇل باعىتتا باتىل شارالار قولعا الىندى. زاڭ قابىلداندى، نورما ناقتى بەكىتىلدى، زاڭعا قوسىمشا نورماتيۆتىك- قۇقىقتىق قۇجاتتار قابىلداندى. قازىر بارلىق پروتسەستەردى رەتتەۋدىڭ ناقتى تەتىكتەرى بار. ءقازىر ءبىز پەداگوگتىڭ كۇن سايىن ەكى قۇجاتتى عانا تولتىرۋعا مىندەتتى ەكەنىن بەكىتتىك، ولار - سىنىپ جۋرنالى، قازىر ونى كوپشىلىگى ەلەكتروندى تۇردە تولتىرادى جانە ساباق جوسپارى. ودان باسقا قۇجاتتاردى مۇعالىم كۇندەلىكتى تولتىرۋعا مىندەتتى ەمەس. جىلىنا ءبىر رەت كۇنتىزبەلىك- تاقىرىپتىق جوسپار دايىندالادى»، - دەدى ا. ايماعامبەتوۆ ورتالىق كوممۋنيكاتسيالار قىزمەتىندە وتكەن بريفينگتە.
سونداي- اق، مينيستر پەداگوگتان ارتىق ەسەپ سۇراۋ بويىنشا شاعىمدار كەلىپ تۇسكەنىن جانە ناقتى شارالار قابىلدانعانىن ايتتى. «بيىلعى جىلدىڭ وزىندە وسى نورمانى بۇزۋ بويىنشا ءبىلىم بەرۋ ۇيىمدارىنىڭ 50-دەن استام باسشىسى جازالاندى»، - دەيدى ءبىلىم ءمينيسترى.
اۆتور: ايجان سەرىكجان قىزى