مەكتەپ وقۋشىلارىنا ۆاكسينا سالىنا ما - مينيستر جاۋابى

None
None
نۇر- سۇلتان. قازاقپارات - ق ر ءبىلىم جانە عىلىم ءمينيسترى اسحات ايماعامبەتوۆ «مەكتەپ وقۋشىلارىنا ۆاكسينا سالىنا ما؟» دەگەن سۇراققا جاۋاپ بەردى، دەپ حابارلايدى قازاقپارات ءتىلشىسى.

«وتاندىق ۆاكسينا كلينيكاعا دەيىنگى زەرتتەۋدەن، ءبىرىنشى جانە ەكىنشى فازادان ءوتىپ، كلينيكالىق زەرتتەۋدىڭ شەشۋشى ءۇشىنشى فازاسىنا كەلدى. ءبىز ءبارىن حاتتاماعا، حالىقارالىق ستاندارتقا جانە تالاپتارعا سايكەس جاساپ جاتىرمىز. بارلىق پرينتسيپتەر مەن بارلىق نورمالاردى ساقتاۋىمىز كەرەك. بۇل وتە ماڭىزدى، ويتكەنى اڭگىمە حالىقتىڭ قاۋىپسىزدىگى جايىندا بولىپ وتىر، سوندىقتان ءبىز ءاربىر ءراسىم بويىنشا بارلىق تالاپتاردى ساقتايمىز. ناۋرىز ايىنىڭ ورتاسىندا بۇل ۆاكسينانى شىعارىپ، ازاماتتاردى ۆاكسينالاي باستاۋدى جوسپارلاپ وتىرمىز. ءبىراق بۇل جەردە ۆاكسينانى دايىنداۋعا قاتىستى عىلىمي ماسەلەلەر ءبىلىم جانە عىلىم مينيسترلىگىنىڭ قۇزىرەتىنە جاتاتىنىن، ال ۆاكسينالاۋدىڭ ودان ءارى ماسەلەلەرى مينيسترلىك قۇزىرەتىنە كىرمەيتىنىن ەسكە سالعىم كەلەدى»، - دەپ جاۋاپ بەردى ءبىلىم ءمينيسترى ءتىلشى سۇراعىنا.

ءمينيستردىڭ ايتۋىنشا، مەكتەپ وقۋشىلارىن ەكپە سالدىرۋعا ەشكىم ماجبۇرلەمەيدى. «ەشكىمدى ماجبۇرلەمەيدى، ماجبۇرلەپ تە جاتقان جوق. مەكتەپتەردەگى مەديتسينالىق ءبولىمدى بىرنەشە جىل بۇرىن دەنساۋلىق ساقتاۋ مينيسترلىگىنىڭ قۇزىرەتىنە بەرگەنبىز. بۇل ماسەلە بويىنشا دا ءبىزدىڭ ارىپتەستەرىمىزگە جۇگىنە الاسىز. ءبىراق، ماجبۇرلەۋ تۋرالى تاقىرىپ بولعان ەمەس»، - دەدى ا. ايماعامبەتوۆ.

اۆتور: ايجان سەرىكجان قىزى

سوڭعى جاڭالىقتار