قازاقستاندىق ۆاكسينانى سالدىرعان ءبىلىم ءمينيسترىنىڭ دەنساۋلىق جاعدايى قالاي
«بۇل - ءبىزدىڭ قازاقستان عالىمدارىنىڭ ۇلكەن الەۋەتىن كورسەتەدى. مەملەكەت باسشىسىنىڭ تاپسىرماسىمەن ءبىزدىڭ عالىمدارىمىز وتە ۇلكەن كەرەمەت جۇمىس جۇرگىزدى دەپ ايتۋىمىز كەرەك. كەيبىر ۋاقىتتا عالىمدارىمىزدىڭ قانداي دەڭگەيدە ەكەنىن تۇسىنبەي جاتامىز، اندا- ساندا كوممەنتاريلەردى وقىپ تۇرامىن. مۇمكىن ءوزىمىز دە جەتكىزبەيتىن شىعارمىز. ءبىراق عالىمدارىمىز وسىنداي كەرەمەت ۆاكسينا دايىنداپ شىعاردى. بۇل ۆاكسينا وتە قىسقا مەرزىمدە دايىندالدى. مامىر ايىندا دايىن بولىپ، كلينيكاعا دەيىنگى زەرتتەۋلەر جۇرگىزىلىپ بىتكەن سوڭ، بىرنەشە عالىم وزدەرىنە وسى ەكپەنى سالىپ، ءارى قاراي ولاردىڭ اناليزدەرىن كورىپ، ەكپە بويىنشا ەش قاۋىپ جوق ەكەنىنە كوزىمىز جەتىپ وتىردى. سوندىقتان، وسى جۇمىسپەن اينالىسىپ، كۇندەلىكتى وسى اقپاراتتى الىپ جۇرگەن سوڭ، مەن دە عالىمدارىمىزدى قولداۋ ءۇشىن وسى ەكپەنى وزىمە سالدىرۋعا شەشىم قابىلدادىم»، - دەپ جاۋاپ بەردى ءبىلىم ءمينيسترى ءتىلشى سۇراعىنا.
مينيستر ەكپەدەن كەيىن انتيدەنەلەر پايدا بولسا دا، قاۋىپسىزدىك شارالارىن ساقتاپ جۇرگەنىن جەتكىزدى.
«ەكپەنى تامىز ايىندا الدىم، وزدەرىڭىز كورىپ وتىرسىزدار، بىرنەشە اي ءوتتى. ەشقانداي دەنە قىزۋى، باسقا دا قيىندىقتار بولعان جوق. يممۋنيتەت بويىنشا ءتيىستى انتيدەنەلەر پايدا بولدى. ونى مەن الماتىعا بارىپ، زەرتتەۋ بولىپ جاتقان زەرتحاناعا قانىمدى تاپسىرعاندا كوزىمىز جەتتى. ءبىراق، دەگەنمەن، وسىنداي يممۋنيتەت پايدا بولسا دا، قازىرگى ۋاقىتتا دا ءبىز سانيتارلىق تالاپتاردى بۇزباۋىمىز كەرەك. ماسكا تاعۋ بويىنشا، اراقاشىقتىق ساقتاۋ بويىنشا بارلىق تالاپتاردى ساقتاپ ءجۇرمىن»، - دەدى اسحات ايماعامبەتوۆ.
اۆتور: ايجان سەرىكجان قىزى