قازاقستاندا جاڭا سالىق جەڭىلدىكتەرى قولدانىسقا ەندى
بۇل تۋرالى ق ر ق م مەملەكەتتىك كىرىستەر كوميتەتىنەن ءمالىم ەتتى، دەپ حابارلايدى قازاقپارات. «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىنە (سالىق كودەكسى) ەنگىزىلگەن تولىقتىرۋلار مەن وزگەتۋلەرگە سايكەس، قوسىلعان قۇن سالىعى (ق ق س) بويىنشا جاڭا سالىق جەڭىلدىكتەرى قولدانىسقا ەنەدى»، - دەلىنگەن كوميتەت اقپاراتىندا.
سونىمەن جاڭا نورمالارعا سايكەس، وتكىزۋ ورنى قازاقستان رەسپۋبليكاسى بولىپ تابىلاتىن مىناداي تاۋارلاردى، جۇمىستاردى، كورسەتىلەتىن قىزمەتتەردى وتكىزۋ بويىنشا اينالىمدار ق ق س- تان بوساتىلادى:
1) ءبىر مەزگىلدە مىناداي شارتتار ساقتالعان كەزدە:
- ارنايى ەكونوميكالىق ايماقتارىنىڭ اۋماعىندا قىزمەتىن جۇزەگە اسىراتىن ۇيىمدارمەن تاۋارلاردى بەرۋگە ارنالعان شارت (كەلىسىمشارت) بولسا؛
- ارنايى ەكونوميكالىق ايماققا قاتىسۋشىعا تاۋارلاردىڭ تيەپ- جونەلتىلگەنىن راستايتىن قۇجاتتار بولسا؛
- ارنايى ەكونوميكالىق ايماققا قاتىسۋشى - ساتىپ الۋشىنىڭ تاۋارلاردى العانىن راستايتىن قۇجاتتار بولسا، ارنايى ەكونوميكالىق ايماقتاردىڭ اۋماعىندا باسىم قىزمەت تۇرلەرىن جۇزەگە اسىرۋ كەزىندە وندىرىلەتىن جانە وتكىزىلەتىن تاۋارلاردى؛
2) دۇنيەجۇزىلىك پوشتا وداعىنا مۇشە باسقا ەلدەردىڭ تاعايىندالعان وپەراتورلارىنىڭ حالىقارالىق پوشتا جونەلتىلىمدەرىن قازاقستان رەسپۋبليكاسىنىڭ اۋماعى ارقىلى ترانزيتتەۋ بويىنشا تاعايىندالعان وپەراتوردىڭ دۇنيەجۇزىلىك پوشتا وداعىنىڭ اكتىلەرىنە سايكەس ءبىرىڭعاي قۇجاتتارمەن رەسىمدەلگەن كورسەتىلەتىن قىزمەتتەرىن وتكىزۋ بويىنشا اينالىمدار؛
3) قالالىق (اۋىلدىق)، قالا ماڭىنداعى، اۋدانىشىلىك، اۋدانارالىق (وبلىسىشىلىك قالاارالىق) قاتىناستا اۆتوموبيل كولىگىمەن، سونداي-اق ترامۆايلارمەن جولاۋشىلاردىڭ الەۋمەتتىك ماڭىزى بار تاسىمالدارىن جۇزەگە اسىرۋ جونىندەگى كورسەتىلەتىن قىزمەتتەردى وتكىزۋ بويىنشا اينالىمدار قوسىلعان قۇن سالىعىنان بوساتىلادى.
اتالعان تولىقتىرۋلار سالىق كودەكسىنىڭ 394-بابىنا ەنگىزىلگەن. قولدانىستاعى سالىق كودەكسىمەن ۋاكىلەتتى ەكونوميكالىق وپەراتورلارمەن (ۋ ە و) بەلگىلەنگەن شارتتاردى ساقتاعان جاعدايدا يمپورتقا سالىناتىن ق ق س- تى تولەۋ مەرزىمىن ۇزارتۋ قاراستىرىلعان. سالىق كودەكسىنىڭ 399-بابىنا ەنگىزىلگەن وزگەرىستەرگە سايكەس، كودەكستىڭ 49-بابىنىڭ 10-تارماعىنا سايكەس جاناما سالىقتاردى تولەۋ مەرزىمى وزگەرتىلگەن جانە 457-بابىندا بەلگىلەنگەن تالاپتار ورىندالعان تاۋارلاردىڭ يمپورتى ق ق س- تان بوساتىلادى. تاۋارلاردىڭ يمپورتى كەزىندە ق ق س- تان بوساتۋدى قولدانۋ ءتارتىبى مەن شارتتارىن ۋاكىلەتتى ورگان بەكىتەدى.
تاۋارلاردىڭ ەكسپورتىن راستاۋ ءتارتىبى بۇزىلعان جاعدايدا يمپورتتالاتىن تاۋارلارعا ق ق س ە ا ە و كەدەن زاڭناماسىندا نەمەسە قازاقستان رەسپۋبليكاسىنىڭ كەدەن زاڭناماسىندا ايقىندالعان تارتىپپەن جانە مولشەردە يمپورتتالاتىن تاۋارلارعا ق ق س تولەۋ ءۇشىن بەلگىلەنگەن مەرزىمنەن باستاپ ءوسىمپۇل ەسەپكە جازىلا وتىرىپ تولەۋگە جاتادى.
وسىلايشا، زاڭمەن ق ق س- تى تولەۋ مەرزىمىن ۇزارتىلعان ق ق س تولەۋشىلەرىنىڭ بەلگىلەنگەن ساناتتارى ءۇشىن ە ا ە و مۇشە ەلدەرگە بۇدان بۇرىن يمپورتتالعان تاۋارلاردى شىعارعان جاعدايدا ق ق س- نان بوساتۋدى كوزدەيتىن تۇزەتۋ ەنگىزىلگەن.
سالىق كودەكسىنىڭ 411-بابىنا ەنگىزىلگەن تولىقتىرۋلارعا سايكەس، ق ق س قوسىمشا سوماسىن ەسەپكە جاتقىزۋعا قۇقىلى قىزمەت تۇرلەرىنە مىنالار قوسىلدى:
- ماقتا- ماتا تالشىعىن، ماقتا تالشىعىن دايىنداۋ؛
- اشىتقى ءوندىرۋ؛
- سالىق تولەۋشى اگروونەركاسىپتىك كەشەندى دامىتۋ سالاسىنداعى ۋاكىلەتتى ورگان ايقىنداعان تارتىپپەن كەلىسىم جاساسقان جاعدايدا، ۇزاق ساقتالاتىن شوكولاد، قانتتى كونديتەرلىك ونىمدەر، پەچەنە جانە ۇننان جاسالعان كونديتەرلىك ونىمدەر ءوندىرۋ؛ - قانت قىزىلشاسىنان قانت ءوندىرۋ. ەنگىزىلگەن وزگەرىستەر وتاندىق تاۋار وندىرۋشىلەردى قولداۋعا باعىتتالعان.