ءابۋ دابي قالاسىندا قازاقستان ەلشىلىگىنە جەر تەلىمى بەرىلەدى

None
None
نۇر-سۇلتان. قازاقپارات - پارلامەنت سەناتىنىڭ جالپى وتىرىسىندا «قازاقستان ۇكىمەتى مەن ب ا ءا ۇكىمەتى اراسىنداعى قازاقستاننىڭ بىرىككەن اراب امىرلىكتەرىندەگى ەلشىلىگىنىڭ جانە ب ا ءا- ءنىڭ قازاقستانداعى ەلشىلىگىنىڭ قاجەتتىلىكتەرىنە استانا قالاسىندا جانە ءابۋ دابي قالاسىندا جەر ۋچاسكەلەرىن وتەۋسىز پايدالانۋعا ءوزارا بەرۋ تۋرالى كەلىسىمدى راتيفيكاتسيالاۋ تۋرالى» زاڭى قابىلداندى، دەپ حابارلايدى قازاقپارات ءتىلشىسى.

«قازاقستان رەسپۋبليكاسى مەن بىرىككەن اراب امىرلىكتەرى 1992-جىلعى 1- قازاندا ديپلوماتيالىق قاتىناستار ورناتىلعان ساتتەن باستاپ ىنتىماقتاستىقتىڭ بارلىق سالالارىن نىعايتۋدا ەلەۋلى تابىستارعا قول جەتكىزدى.

2017-جىلعى 15- قاڭتاردا ءابۋ دابي قالاسىندا جاسالعان اتالعان كەلىسىمدى راتيفيكاتسيالاۋ ەكىجاقتى ىنتىماقتاستىقتى ودان ءارى جانداندىرۋ جانە ديپلوماتيالىق قاتىناستاردى دامىتۋ ءۇشىن ماڭىزدى. زاڭ جوباسىنىڭ قابىلدانۋى قازاقستان رەسپۋبليكاسىنىڭ بىرىككەن اراب امىرلىكتەرىندەگى جانە بىرىككەن اراب امىرلىكتەرىنىڭ قازاقستان رەسپۋبليكاسىنداعى ديپلوماتيالىق وكىلدىكتەرىنىڭ جۇمىس ىستەۋىنە قولايلى جاعداي جاسايدى»، - دەدى سىرتقى ىستەر ءمينيسترى مۇحتار تىلەۋبەردى.

ونىڭ ايتۋىنشا، كەلىسىمنىڭ 1-بابىنا سايكەس امىرلىكتەر تاراپىنا نۇر-سۇلتان قالاسىندا تاۋەلسىزدىك جانە ر. قوشقاربايەۆ داڭعىلدارىنىڭ قيىلىسىندا كولەمى 26147 شارشى مەتر جەر ۋچاسكەسى، ال قازاقستاندىق تاراپقا ءابۋ دابي قالاسىندا ديپلوماتيالىق كورپۋس ورنالاسقان اۋداندا كولەمى 11148 شارشى مەتر جەر ۋچاسكەسى 49 جىلدىق مەرزىمگە وتەۋسىز پايدالانۋعا، كەيىننەن وسىنداي مەرزىمگە ۇزارتۋ شارتىمەن بەرىلەدى.

«بۇدان باسقا، ق ر تۇڭعىش پرەزيدەنتى - ەلباسى ن. نازاربايەۆتىڭ ب ا ءا باسشىلىعىمەن جەكە دوستىق قارىم-قاتىناسىنىڭ ارقاسىندا 2010-جىلعى 19- قازاندا ءابۋ دابي امىرلىگىنىڭ مۇراگەر حانزاداسى شەيح مۇحاممەد بەن زايد ءال ناحايان قازاقستاننىڭ ب ا ءا- دەگى ەلشىلىگىنىڭ قاجەتتىلىكتەرى ءۇشىن وتەۋسىز جانە مەرزىمسىز پايدالانۋ ءۇشىن قوسىمشا 1 گەكتار جەر ۋچاسكەسىن ءبولۋ تۋرالى بۇيرىق شىعارعان.

جوبانى قابىلداۋ تەرىس الەۋمەتتىك-ەكونوميكالىق سالدارعا اكەپ سوقتىرمايدى جانە رەسپۋبليكالىق بيۋجەتتەن قوسىمشا قارجى قاراجاتىن ءبولۋدى تالاپ ەتپەيدى»، - دەدى مينيستر.

سوڭعى جاڭالىقتار