رەسەيدىڭ استراحان وبلىسىنداعى قۇرمانعازى ورتالىعى ماڭىزدى تۋريستىك نىسانعا اينالدى
ديپلوماتيالىق وكىلدىكتىڭ باسپا ءسوز قىزمەتىنەن حابارلاعانداي، ە. كوشەربايەۆ جەرگىلىكتى قازاق قوعامدىق بىرلەستىكتەرىنىڭ وكىلدەرىمەن كەزدەستى. وتانداستاردى تولعاندىراتىن، ەڭ الدىمەن، قازاق ءتىلىن ۇيرەنۋگە قاتىستى وزەكتى ماسەلەلەر قوزعالدى. استراحانداعى ق ر باس كونسۋلدىعىنىڭ باسشىسى تاۋبولدى ۇمبەتبايەۆ ءوڭىردىڭ مادەنيەت جانە تۋريزم ءمينيسترى ولگا پروكوفيەۆاعا قازاق ءتىلى سىنىپتارى بار ەكى مەكتەپتە ونلاين وقىتۋ ءۇشىن «وتانداستار» قورىنىڭ قولداۋىمەن ساتىپ الىنعان كومپيۋتەرلىك تەحنيكانى تاپسىردى.
ەستەرىڭىزگە سالا كەتەيىك، ورتالىق 2005 -جىلى قازاقتىڭ ۇلى كۇيشىسى، دومبىراشى- كومپوزيتور قۇرمانعازى كەسەنەسىنىڭ جانىندا اشىلعان بولاتىن. وسى ۋاقىت ىشىندە كەشەن جىل سايىن الەمنىڭ تۇكپىر- تۇكپىرىنەن مىڭداعان قاجى جانە تۋريستەر كەلەتىن ايماقتىڭ ماڭىزدى تۋريستىك ورنىنا اينالدى.
اۆتورى: نارىمبەك يسماعۇلوۆ