اسقار مامين رەسەي فەدەراتسياسى ۇكىمەتىنىڭ توراعاسىمەن تەلەفون ارقىلى سويلەستى

نۇر- سۇلتان. قازاقپارات - قازاقستان رەسپۋبليكاسىنىڭ پرەمەر- ءمينيسترى اسقار مامين رەسەي فەدەراتسياسى ۇكىمەتىنىڭ ءتوراعاسى ميحايل ميشۋستينمەن تەلەفون ارقىلى سويلەستى، دەپ جازادى primeminister.kz.

تاراپتار قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ پەن رەسەي فەدەراتسياسىنىڭ پرەزيدەنتى ۆلاديمير پۋتين اراسىنداعى COVID-19 تارالۋىنا جول بەرمەۋ جونىندەگى بىرلەسكەن شارالار تۋرالى ۋاعدالاستىقتاردىڭ پراكتيكالىق ىسكە اسىرىلۋىن تالقىلادى.

ۇكىمەت باسشىلارى بۇگىن قاراعاندى قالاسىندا ىسكە قوسىلعان «سپۋتنيك V» ۆاكسيناسىنىڭ ءوندىرىسى جانە قازاقستاندىقتاردى الداعى ۆاكسيناتسيالاۋ ق ر- داعى تۇراقتى سانيتارلىق- ەپيدەميولوگيالىق جاعدايدى ساقتاۋعا ۇلكەن ۇلەس قوساتىنىن اتاپ ءوتتى. اڭگىمەلەسۋ كەزىندە سونداي- اق ساۋدا- ەكونوميكالىق جانە كولىك سالالارىنداعى ەكىجاقتى ىنتىماقتاستىقتىڭ، ونەركاسىپتىك كووپەراتسيانى دامىتۋ جانە ە ا ە و اياسىنداعى ءوزارا ءىس- قيمىلدىڭ وزەكتى ماسەلەلەرى قارالدى.