ديماش قۇدايبەرگەن جاڭا بەينەبايانىنىڭ تيزەرىن جاريالادى

نۇر-سۇلتان. قازاقپارات - ءانشى ديماش قۇدايبەرگەن Instagram-داعى ءوز پاراقشاسىندا جاڭا بەينەبايانىنىڭ تيزەرىن جاريالادى، دەپ حابارلايدى قازاقپارات ءتىلشىسى.

«Dears (ءانشى ءوز جانكۇيەرلەرىن وسىلاي اتايدى)، 23- جەلتوقساندا مەنىڭ رەسمي Youtube-ارنامدا جاڭا بەينەبايانىم جاريالانادى. وتكىزىپ الماڭىزدار»، - دەپ جازدى ديماش قۇدايبەرگەن.

جاريالانعان تيزەردە جاقىندا ماسكەۋدە شىرقالعان «مەن سەنى ساعىندىم» جاڭا ءانىنىڭ ءۇزىندىسى كەلتىرىلگەن.

ەسكە سالا كەتسەك ديماش قۇدايبەرگەن 9 ايدان كەيىن ساحناعا قايتا ورالعان بولاتىن.

ناقتىراق ايتقاندا تاياۋدا رەسەي استاناسى ماسكەۋدەگى ۆ ت ب ارەنادا ءداستۇرلى «جىل ءانى» كونسەرتى ءوتتى.

5- جەلتوقساندا وتكەن كەشتە ديماش «تام، گدە جيۆەت ليۋبوۆ»، «Your Love « جانە جاڭا «يا سكۋچايۋ پو تەبە» اتتى ءۇش ءاندى ورىنداپ، جانكۇيەرلەرىنىڭ كوڭىلىنەن شىقتى.