بالقاشتا ادەبي ايالدامالار پايدا بولدى

بالقاش. قازاقپارات - بالقاشتاعى لەنين كوشەسىندە ەكى ادەبي ايالداما پايدا بولدى.

ولار قالا كاسىپكەرلەرىنىڭ دەمەۋشىلىگىمەن راسىمدەلدى، دەپ حابارلايدى قازاقپارات ءتىلشىسى.

ايالدامالاردىڭ ءبىرى ابايدىڭ 175 جىلدىعىنا ارنالعان. ونىڭ ىشكى جاعىندا ۇلى اقىننىڭ بەينەسىن كورۋگە جانە ونىڭ ءومىر سۇرگەن جىلدارى تۋرالى مالىمەتتەردى، سونداي-اق «تولىق ادام» فيلوسوفيالىق فورمۋلاسىنىڭ نەگىزگى قاعيدالارىنان قازاق جانە ورىس تىلدەرىندەگى ۇزىندىلەردى وقۋعا بولادى.

«اباي ءوز زامانداستارىنا «اقىل، كۇش، جۇرەكتى تەپە-تەڭدىكتە ۇستا - وسىنىڭ ءبارى سەنى تولىققاندى ەتەدى» دەپ ۇيرەتتى. بۇل قاعيدا بۇگىن دە وزەكتى. اقىن ءوز ولەڭىندە «ادامنىڭ ءۇش قاسيەتى بار: جارقىن اقىل، جالىندى جان جانە جىلى جۇرەك»، دەپ اتاپ ءوتتى دەدى بالقاش قالاسى مادەنيەت جانە تىلدەردى دامىتۋ ءبولىمىنىڭ سەكتور مەڭگەرۋشىسى اسەل بولەكوۆا.

ايالدامانىڭ سىرتقى جاعىندا بالقاشتىڭ لوگوتيپى مەن ءانۇرانى تۇر، ونىڭ ءسوزىن جەرگىلىكتى اۆتورلار ك. م. سادەنوۆ پەن پ. ە. كۋشنيروۆ، ال مۋزىكاسىن س. تلەۋلينا جازعان.

ەكىنشى پاۆيلون ءال-فارابيدىڭ قۇرمەتىنە بەزەندىرىلگەن. ول اباي ايالداماسىنا قاراما-قارسى ورنالاسقان، سونىمەن قاتار فوتوسۋرەتتەر، قىسقاشا ءومىربايانى، فيلوسوفتىڭ ەڭبەكتەرىنەن، اتاپ ايتقاندا «ىزگى قالا تۇرعىندارىنىڭ كوزقاراستارى تۋرالى تراكتاتتان» ۇزىندىلەر بار. ادەبي ايالدامالاردى بەزەندىرۋ قالا كاسىپكەرلەرىنىڭ دەمەۋشىلىگىمەن جالعاسادى. كەلەسى ايالداماعا اعارتۋشى، عالىم احمەت بايتۇرسىنوۆتىڭ شىعارمالارى ىلىنەدى.