الماتىدا جول جەر استىنا ءتۇسىپ كەتتى

نۇر-سۇلتان. قازاقپارات - الماتىداعى الاتاۋ اۋدانىندا جولدىڭ ءبىر بولىگى جەر استىنا ءتۇسىپ كەتتى.

تۇرعىندار كوممۋنالدىق قىزمەتتەردىڭ ارەكەت ەتپەي وتىرعانىنا شاعىمداندى، - دەپ حابارلايدى Tengrinews.kz ءتىلشىسى.

شاڭىراق شاعىن اۋدانىنداعى اقشاعىل كوشەسىنىڭ بويىندا جول جەر استىنا تۇسكەن. جەرگىلىكتى تۇرعىندار الەۋمەتتىك جەلىلەردە شۇڭقىرعا سۋ سەبەپ بولعانىن حابارلاعان.

«ەكى كۇن بۇرىن قۇبىرلار جارىلعان، ەشكىم ەشتەڭە ىستەمەدى، ال تاڭەرتەڭ وسىنداي شۇڭقىر جاتىر»، - دەپ شاعىمداندى ۆيدەو اۆتورى.

«الماتى سۋ» باسپا ءسوز قىزمەتى جولدىڭ جەر استىنا ءتۇسىپ كەتكەنى تۋرالى مالىمدەمە 20- جەلتوقساندا ساعات 7:45 تە تۇسكەنىن حابارلادى. كومپانيانىڭ مالىمەتىنشە، شۇڭقىر ورنى تولتىرىلعان.

«تەكسەرىس بارىسىندا سۋمەن جابدىقتاۋ جەلىسىندە سۋ اققانى انىقتالدى. توتەنشە جاعدايلار قىزمەتى اپاتتى قالپىنا كەلتىرۋ جۇمىستارىن جۇرگىزدى. سۋ اعۋى جويىلدى. جۇمىس بارىسىندا جاقىن ماڭداعى ۇيلەرگە سۋ بەرۋ ءۇزىلىسسىز جۇرگىزىلدى جانە ۇيلەرگە ەشقانداي قاۋىپ-قاتەر بولعان جوق»، - دەدى «الماتى سۋ» قىزمەتكەرلەرى.