وزبەكستاندىق ب ا ق وكىلدەرى «اباي» مەدالىمەن ماراپاتتالدى - شەتەلدەگى قازاق ءتىلدى ب ا ق- قا شولۋ

None
None
نۇر-سۇلتان. قازاقپارات- «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

مۇستافا شەنتوپ قازاقستاننىڭ تاۋەلسىزدىك كۇنىمەن قۇتتىقتادى - TRT

تۇركيا ۇلى ۇلتتىق ءماجىلىسى ءتوراعاسى مۇستافا شەنتوپ قازاقستاندىقتاردى تاۋەلسىزدىك كۇنىمەن قۇتتىقتادى.

بۇل تۋرالى تۇركيا راديو تەلەۆيزيا پورتالى حابارلادى.

«مۇستافا شەنتوپ قۇتتىقتاۋدى تۆيتتەر ارقىلى جاسادى. ول قازاقستان 29 جىل بۇرىن، ياعني 1991-جىلى 16 - جەلتوقساندا تاۋەلسىزدىگىن جاريالاعانىن ايتا كەلىپ، قازاقستاندىقتاردى ۇلىق مەرەكەمەن قۇتتىقتادى.

وزبەكستاندىق ب ا ق وكىلدەرى «اباي» مەدالىمەن ماراپاتتالدى - «ءو ز ا» اقپارات اگەنتتىگى

تاشكەنتتە وزبەكستاندىق ب ا ق وكىلدەرى «اباي» مەدالىمەن ماراپاتتالدى، دەپ جازادى وزبەكستاننىڭ «ءو ز ا» مەملەكەتتىك اقپاراتتىق اگەنتتىگى.

قازاق ەلىنىڭ تاۋەلسىزدىك مەرەكەسى قارساڭىندا وزبەكستانداعى قازاقستان رەسپۋبليكاسى ەلشىلىگىنىڭ باس عيماراتىندا شارا ءوتتى. شارادا باۋىرلاس ەلدەردىڭ اراسىنداعى دوستىق قارىم-قاتىناسقا دانەكەر بولىپ جۇرگەن ءبىر توپ ب ا ق وكىلدەرىنە ابايدىڭ 175 جىلدىعىنا ارناپ شىعارىلعان «اباي» مەدالى تاپسىرىلدى.

ايتۋلى شاراعا وزبەكستانداعى قازاقستان رەسپۋبليكاسىنىڭ توتەنشە جانە وكىلەتتى ەلشىسى دارحان امانگەلدى ۇلى قاتىسىپ، ءسوز سويلەدى.

قازاقستان رەسپۋبليكاسى دامۋ جانە وركەندەۋ جولىندا - Kaznews

موڭعوليادا شىعاتىن Kaznews اقپاراتتىق پورتالىندا وسى اپتادا وقىرماندارىن قىزىقتىراتىنداي بىرنەشە ماقالا مەن اقپاراتتار جارىق كوردى.

اتاپ ايتار بولساق، «قازاقستان رەسپۋبليكاسى: دامۋ جانە وركەندەۋ جولىندا»، «جىلدىڭ ۇزدىك 10 وقيعاسى»، «بايان-ولگەي ايماعى تۋرالى 10 ماڭىزدى مالىمەت» دەگەن سىندى ماتەريالدار جاريالاندى. سونداي-اق، اتالعان ب ا ق- تا ەلىمىزدىگى ەڭ ۇلكەن ج و و- لاردىڭ ءبىرى ءال- فارابي اتىنداعى قازاق ۇلتتىق ۋنيۆەرسيتەتىنىڭ شەتەلدىكتەردىڭ تىلدىك جانە جالپى ءبىلىم بەرۋ دايىندىعى كافەدراسىنا ارنالعان «الەمگە قۇشاعىن جايعان فاكۋلتەت» اتتى ماقالا جاريالانعان.

ءبىز بۇگىن موڭعوليالىق ب ا ق- تا باسىلىم كورگەن «قازاقستان رەسپۋبليكاسى: دامۋ جانە وركەندەۋ جولىندا» اتتى كولەمدى ماقالاعا توقتالا كەتكەندى ءجون سانادىق.

اتالعان جازبادا، اۆتور ەلىمىزدىڭ تاۋەلسىزدىك الۋىنان بۇگىنگى كۇنگە دەيىنگى جەتكەن جەتىستىكتەرى تۋرالى كەڭ كولەمدە ساراپتاما جاساعان.

«قازاقستان رەسپۋبليكاسى تاۋەلسىزدىك العان جاس مەملەكەتتەر قاتارىنان بولسا دا، قىسقا مەرزىم ىشىندە اسا ۇلكەن وزگەرىستەردى ەنگىزىپ، تاۋەلسىز دامۋ جولىندا ايتارلىقتاي جەتىستىكتەرگە قول جەتكىزدى. مەملەكەتتىڭ تاعدىرىنا بايلانىستى باستى ماڭىزدى قۇجاتتار ازىرلەنىپ بەكىتىلدى. قازاقستان - الەم كارتاسىندا شەكاراسى انىق تا ايقىن ەل. قازاقستاندا دەموكراتيانىڭ باستى قاعيداتتارىنىڭ نەگىزىندە جاڭا ساياسي جۇيە قۇرىلىپ، ءتيىمدى مەملەكەتتىك اپپارات پەن باسقارۋ قۇرىلىمى پايدا بولىپ، بارلىق مەملەكەتتىك رامىزدەر قابىلدادى. سونداي-اق، ءتيىستى قۇقىقتىق اكتىلەر جاسالىپ، دامۋ پروتسەسسى ودان ءارى جالعاسىن تابۋدا»، دەپ باستالادى اتالمىش ماقالا.

بۇل اناليتيكالىق جازبا «تاۋەلسىز مەملەكەتتىڭ قايتا قۇرىلۋى»، «ەكونوميكالىق رەفورما ساياساتى»، «سىرتقى ساياسات» جانە «قازاقستان مەن موڭعوليانىڭ ەكىجاقتى قارىم-قاتىناستارى» دەگەن ءتورت ۇلكەن بولىمنەن تۇرادى ەكەن.

وسى ءتورت بولىمدە اۆتور قازاقستان رەسپۋبليكاسىنىڭ ىشكى، سىرتقا ساياساتتاعى جەتكەن جەتىستىكتەرى، ەكونوميكالىق جاقتاعى ءوسۋى جايىندا كەڭىنەن توقتالادى.

«...وسىلايشا، قازاقستاننىڭ ەكونوميكاسى تۇراقتى ءوسىپ، شەتەلدىك ساۋدا مەن ينۆەستيتسيانىڭ نەگىزى نىعايۋدا.

«سىرتقى ساياسات - ءار ەلدىڭ ىشكى ساياساتىنىڭ ايناسى» دەگەن ۇستانىمعا سايكەس، قازاقستاننىڭ كوپجاقتى سىرتقى ساياساتى ءوز حالقىنىڭ ماسەلەسىن شەشۋگە باعىتتالىپ وتىرعانىن بايقاۋعا بولادى. سوڭعى 29 جىل ىشىندە جۇرگىزىلگەن قازاقستاننىڭ كورەگەن جانە تۇراقتى سىرتقى ساياساتى ونىڭ بەدەلىن ارتتىرۋعا اسەر ەتتى. قازىرگى ۋاقىتتا الەم حالىقتارى قازاقستاندى تەك عانا تابيعي رەسۋرستارى مەن الەمنىڭ العاشقى عارىشكەرىن بايقوڭىردان عارىشقا ۇشىرعان تاجىريبەسىمەن ەمەس، رۋحاني جانە ماتەريالدىق قۇندى ءارى باي مادەنيەتىمەن تانىدى»، دەپ تۇيىندەيدى Kaznews-تەگى ماقالا.

«اباي» پەكيندە جارىق كوردى - جەنمين جيباو

بيىل قازاقتىڭ ۇلى اقىنى ابايدىڭ تۋعانىنا 175 جىل تولدى. 10- جەلتوقساندا قىتايداعى ق ر ەلشىلىگىندە وسى اقىننىڭ قىتاي تىلىنە اۋدارىلعان «اباي» شىعارمالار جيناعىنىڭ تۇساۋكەسەرى ءوتتى، دەپ حابارلايدى kazakh.people.com.cn.

«اباي» كىتابىنا 145 ولەڭ، ءۇش پوەما جانە «قارا سوزدەرى» ەنگەن، ولاردىڭ اۋدارماسىن 26 جىل بۇرىن اباي شىعارمالارىمەن جۇمىس ىستەي باستاعان قىتايلىق كورنەكتى جازۋشىلاردىڭ ءبىرى - ءماجيت ۇلى اكپار جاساعان.

«اكپار ءماجيت ۇلى ءسوز كەزەگىندە، اباي ولەڭدەرى مەن قارا سوزدەرىنەن قازاق حالقىنىڭ ءتىلى مەن مادەنيەتىن، ۇلتتىق مىنەزىن، سونداي-اق دۇنيەگە كوزقاراسىن جانە رۋحاني بەينەسىن كورۋگە بولادى. اباي تەرەڭ تولعانىستار ارقىلى باي رۋحاني الەمىن قالىپتاستىرعان تۇلعا ەكەنىن ايتتى»، دەپ جازادى قىتايلىق ب ا ق.

قازاقستان رەسپۋبليكاسىنىڭ ق ح ر- داعى ەلشىسى عابيت قويشىبايەۆتىڭ ايتۋىنشا، قىتاي جازۋشىسى اكپار ءماجيت ۇلى ەكى ەل اراسىنداعى دوستىقتى تەرەڭدەتۋگە ۇلكەن ۇلەس قوستى. ول اعىمداعى جىلدىڭ تامىز ايىندا قازاقستان پرەزيدەنتى قاسىم-جومارت توقايەۆ ماجيتكە ەكى ەل اراسىنداعى دوستىق قاتىناستاردى نىعايتۋعا قوسقان ۇلەسى جانە اباي قۇنانباي ۇلى مۇراسىن تاراتۋداعى قىزمەتى ءۇشىن ناگرادا تاپسىرعانىن اتاپ ءوتتى.

بۇل ايتۋلى مادەني شاراعا قاتىسقان قىتايلىق ايگىلى جازۋشى ۋاڭ مىڭ، مەملەكەتتىك جازۋشىلار وداعىنىڭ ورىنباسار ءتوراعاسى لي جيڭزى ءسوز سويلەپ، اتالعان كىتاپتىڭ ادەبي قۇنىنا جوعارى باعا بەرگەن.

قازاقستاننىڭ 2020-جىلعى ۇزدىك ءوندىرۋشى جۇلدەسى يراندىق كاسىپكەرگە بەرىلدى - «فارس» اقپارات اگەنتتىگى

يراندىق كومپانيا العاش رەت قازاقستاننىڭ 2020-جىلعى ۇزدىك تاۋارلار جۇلدەسىنە يە بولدى، دەپ مالىمدەيدى parstoday.com.

يراندىق اقپارات اگەنتىگىنىڭ حابارلاۋىنشا، قازاقستاندا ماقسارى ءوسىرىپ، ودان ماي الاتىن «Kaz-Ir AGRO» كومپانياسىنىڭ ديرەكتورى حاميدرەزا ءالي ناقيان ازىق-تۇلىك ونىمدەرى سالاسىندا قازاقستاننىڭ اۋىل شارۋاشىلىعى مينيسترىنەن ۇزدىك ءوندىرۋشى اتاعىن العان.

«ق ر پرەزيدەنتى قاسىم-جومارت توقايەۆ ەلدىڭ ءتۇرلى سالالارىندا جۇمىس جاسايتىن ۇزدىك 30 كومپانيانى ماراپاتتاي كەلىپ، كوروناۆيرۋس كەزىندە ولاردىڭ جوعارى ساپالى ونىمدەردى ۇسىنۋ جولىنداعى تالپىنىسىنا العىس ايتتى»، دەپ جازادى «فارس» اقپارات اگەنتتىگى.

اۆتور: بەيسەن سۇلتان


سوڭعى جاڭالىقتار