تارازدا تۇرمەگە پوشتامەن جولدانعان سابىننىڭ ىشىنەن تەلەفون تابىلدى

تاراز. قازاقپارات - تاراز قالاسىنداعى تۇرمەگە سالەمدەمە جولداعان تۇرعىن ۇيالى تەلەفوندى سابىن ىشىنە تىعىپ، سوتتالۋشىعا جىبەرمەك بولعان، دەپ حابارلايدى قازاقپارات ءتىلشىسى.

جامبىل بويىنشا ق ا ج دەپارتامەنتىنە قاراستى ج د-158/7 مەكەمەسى قىزمەتكەرلەرىنىڭ جانە 5513 اسكەري ءبولىمىنىڭ باقىلاۋ توبىنىڭ جەدەل ارەكەتىنىڭ ناتيجەسىندە تۇزەۋ مەكەمەسىنە «قازپوشتا» ارقىلى تىيىم سالىنعان زاتتى جونەلتۋگە ارەكەتتەنگەن ازاماتشانىڭ قيتۇرقى ءىسى اشكەرە بولدى.

«Royal Kimi ءيىس سابىنىنىڭ ىشىنە جاسىرىلعان «سالەم-ساۋقاتتى» اشۋ كەزىندە INOI-102 ماركالى ۇيالى تەلەفونى تابىلىپ، تاركىلەندى.

بۇدان بولەك، Beeline بايلانىس وپەراتورىنىڭ 1 sim-كارتاسى مەن USB باۋى انىقتالعان» دەلىنگەن دەپارتامەنتتىڭ باسپا ءسوز قىزمەتىنىڭ حابارلاماسىندا.

قازىرگى تاڭدا «قازپوشتا» ارقىلى سالەمدەمە جىبەرگەن ازاماتشا انىقتالۋدا. اتالعان زاڭبۇزۋشىلىققا بايلانىستى ق ر ا ق ب ت ك 481-بابى 1-بولىگى بويىنشا اكىمشىلىك حاتتاما تولتىرىلىپ، سوتقا جولدانباق.