تارازدا دۇكەندەردى بۇزىپ كىرىپ، تەمەكى ونىمدەرىن ۇرلاعاندار ۇستالدى
بۇزاقىلار جالپى سوماسى 770000 تەڭگە كولەمىندەگى تەمەكى ونىمدەرىن ۇرلاعان.
اتالعان دەرەككە قاتىستى ق ر ق ك 188-بابىنىڭ 3-بولىگى (ۇرلىق) بويىنشا سوتقا دەيىنگى تەرگەۋ امالدارى باستالدى.
بۇل وبلىستىق پوليتسيا دەپارتامەنتىنىڭ باسپا ءسوز قىزمەتى حابارلادى.
«جەدەل-ىزدەستىرۋ جانە ارنايى ءىس-شارالاردى وتكىزۋ بارىسىندا تاراز قالاسىنىڭ پ ب 1-پوليتسيا ءبولىمىنىڭ كريمينالدىق پوليتسيا بولىمشەسى قىزمەتكەرلەرىنىڭ جەدەل ءىس-ارەكەتتەرىنىڭ ناتيجەسىندە ۇرلىق جاسادى دەگەن كۇدىكپەن وسىنداي قىلمىستارى ءۇشىن بىرنەشە رەت جاۋاپقا تارتىلعان تاراز قالاسىنىڭ 20 جانە 22 جاستاعى تۇرعىندارى انىقتالىپ، ءىزىن سۋىتپاي ۇستالدى»، - دەلىنگەن ۆەدومستۆو حابارلاماسىندا.
كۇدىكتىلەر ۇرلىقتىڭ ءتورت دەرەگى بويىنشا كىناسىن مويىندادى، قازىرگى تاڭدا اتالعان تۇلعالاردىڭ باسقا دا قىلمىستارعا قاتىستىلىعى تەكسەرىلۋدە.
پوليتسەيلەر وبلىس ورتالىعىنىڭ كاسىپكەرلەرىنە بيزنەس نىساندارىن دابىل سيگناليزاتسيالارىمەن، سونداي-اق سىرتقى بەينە باقىلاۋ كامەرالارىمەن جابدىقتاۋ قاجەتتىلىگىن ەسكەرتۋدە.