تىرەگى سەندەر بۇل ەلدىڭ – ا ق ش ەلشىسى قازاقستاندىقتاردى مەرەكەمەن قۇتتىقتادى

نۇر- سۇلتان. قازاقپارات - امەريكا قۇراما شتاتتارىنىڭ قازاقستان رەسپۋبليكاسىنداعى ەلشىسى ۋيليام موزەر قازاقستاندىقتاردى تاۋەلسىزدىك كۇنىمەن قۇتتىقتادى، دەپ حابارلايدى قازاقپارات ءتىلشىسى ەلشىلىكتىڭ Instagram-پاراقشاسىنا سىلتەمە جاساپ.

«قۇرمەتتى قازاقستاندىقتار! مەن پرەزيدەنت ترامپ پەن مەملەكەتتىك حاتشى پومپەوعا قوسىلا وتىرىپ، سىزدەردى اسا ماڭىزدى ۇلتتىق مەرەكە - تاۋەلسىزدىك كۇنىمەن شىن جۇرەكتەن قۇتتىقتايمىن! مەرەكە قۇتتى بولسىن»، - دەدى ۋيليام موزەر.

كەيىننەن ەلشى «مۋزارت» توبىنىڭ «ءوز ەلىم» ءانىنىڭ سوزدەرىنەن ءۇزىندى وقىپ بەردى. «تۇلەگى سەندەر، تىلەگى سەندەر، تىرەگى سەندەر سول ەلدىڭ. نازارى سەندەر، بازارى سەندەر، اجارى سەندەر بۇل ەلدىڭ»، - دەپ ا ق ش ەلشىسى ءاننىڭ سوزدەرىن كەلتىردى.