قىتايدا ءال- فارابي مەن ابايدىڭ قۇرمەتىنە ەستەلىك كونۆەرتتەر شىعارىلدى
كونۆەرتتەردىڭ بىرىنە ۇلى فيلوسوف ءارى عالىم ءابۋ ناسىر ءال- فارابي، تاعى بىرىنە ۇلى اقىن جانە اعارتۋشى اباي قۇنانباي ۇلى بەينەلەنگەن. كونۆەرتتەردەگى سۋرەتتەردىڭ اۆتورى - قىتايلىق ديپلومات، سۋرەتشى فەن يشۋ. اۆتوردىڭ ايتۋىنشا، ونىڭ كوركەمدىك شىعارماشىلىققا بەت بۇرۋى قىتاي تىلىنە اۋدارىلعان «اباي جولى» رومانىن وقۋدان كەيىن باستالعان. «ءال- فارابي - بۇكىل الەمگە تانىمال عالىم، فيلوسوف. ول - شىعىس ۇستازى»، - دەپ اتاپ ءوتتى سۋرەتشى.
«مەنىڭ جۇمىستارىمنىڭ ارقاسىندا ءال- فارابي مەن اباي ەسىمدەرى قىتايدىڭ قالىڭ جۇرتشىلىعىنىڭ ورتاسىندا ودان دا تانىمال بولاتىنىنا ۇمىتتەنەمىن»، - دەيدى ف. يشۋ.
ق ح ر سىرتقى ىستەر مينيسترلىگى جانىنداعى فيلاتەليستەر قاۋىمداستىعىنىڭ حاتشىسى ما شياولين «ءال- فارابي مەن اباي سۋرەتتەرى بەينەلەنگەن ەستەلىك كونۆەرتتەردى شىعارۋ - ءبىزدىڭ ەلدەرىمىزدىڭ اراسىنداعى دوستىق پەن ىنتىماقتاستىقتىڭ سيمۆولى بولىپ تابىلاتىنىن» اتاپ ءوتتى.
قازاقستان رەسپۋبليكاسىنىڭ قىتاي ەلشىلىگىندە فەن يشۋدىڭ ءابۋ ناسىر ءال- فارابيدىڭ 1150 جىلدىعى مەن ابايدىڭ 175 جىلدىعىنا ارنالعان «عاسىرلار دانالىعى» اتتى كارتينالار كورمەسى ءوتتى.