ولگەي قالاسىنا جاڭا اكىم تاعايىندالدى - شەتەلدەگى قازاق ءتىلدى ب ا ق-قا شولۋ

نۇر-سۇلتان. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

ەسبولات ءداۋىت ۇلى ولگەي قالاسىنىڭ اكىمى قىزمەتىنە تاعايىندالدى - KAZNEWS

موڭعوليانىڭ بايان- ولگەي ايماعى اكىمىنىڭ وكىمى بويىنشا جانە ولگەي سۇمىنى ازاماتتار وكىلدەرى حۋرالىنىڭ ء(ماسليحاتىنىڭ) العاشقى سەسسياسىنىڭ كەلىسىمىمەن ەسبولات ءداۋىت ۇلى ولگەي قالاسىنىڭ اكىمى قىزمەتىنە تاعايىندالدى، دەپ جازادى موڭعوليالىق KAZNEWS اقپاراتتىق پورتالى. «ەسبولات ءداۋىت ۇلى 1986 -جىلى بايان- ولگەي ايماعىنىڭ ساگااننۋۋر (اقكول) قالاشىعىندا دۇنيەگە كەلگەن. 2007 -جىلى عىلىم تەحنولوگيا ۋنيۆەرسيتەتىن مۇناي گاز ينجەنەرى ماماندىعى بويىنشا بىتىرگەن.

2012 -جىلى عىلىم تەحنولوگيا ۋنيۆەرسيتەتىنەن تەحنيكا عىلىمدارىنىڭ ماگيسترى دارەجەسىن العان. ەڭبەك جولىن 2007-2008 -جىلدارى شۋنحلاي ترەيدينگ كومپانياسىندا مەنەدجەر، 2008-2009 -جىلدارى نيك-پەتروۆيس كومپانياسىندا جانارماي قۇيۋ بەكەتىندە جەتەكشى، 2009-2015 -جىلدارى تساگااننۋۋر قالاشىعىنداعى مەملەكەتتىك جانارماي قورىندا مەنەدجەر، ينجەنەر، 2015 -جىلدان تساگااننۋۋر قالاشىعىنىڭ اكىمى قىزمەتىن اتقارىپ كەلدى»، - دەپ جازادى KAZNEWS.

ەلجان شىنار ۇلى فۋتبولدان قىتايدىڭ U-21 قۇراماسىنا قابىلداندى - «اعاجاي- التاي» سايتى

ەلجان شىنار ۇلى فۋتبولدان قىتايدىڭ U-21 قۇراماسىنا شاقىرتۋ الدى، دەپ حابارلايدى kazakh.altxw.com سايتى.

اتالعان دەرەككوزدىڭ مالىمەتىنشە، ق ح ر فۋتبول فەدەراتسياسى قىتايدىڭ U-21 قۇراماسىنا شاقىرتۋ العان فۋتبولشىلاردىڭ ءتىزىمىن جاريالاعان. ولاردىڭ قاتارىندا قىتاي ەلىندە تۇراتىن قانداسىمىز ەلجان شىنار ۇلىنىڭ ەسىمى دە اتالعان. ەلجان قىتاي سۋپەرليگاسىندا ونەر كورسەتەتىن «شەنجەن» كلۋبىنىڭ ۇزدىك ويىنشىلاردىڭ ءبىرى. وسى جولى قىتايدىڭ U-21 قۇراماسىنا 24 فۋتبولشى قابىلدانعان. ال الداعى ۋاقىتتا بۇل قۇراما 2022 -جىلى حاڭجوۋدا وتەتىن ازيا ويىندارى مەن U23 ازيا ەرلەر فۋتبولىنىڭ كۋبوگىنا دايىندالۋ ماقساتىندا ق ح ر ۇلتتىق قۇراماسىنىڭ وقۋ- جاتتىعۋ بازاسىندا دايىندالادى.

ەسكە سالا كەتەيىك، ەلجان شىنار ۇلى - 1999 -جىلى ق ح ر- نىڭ التاي ايماعى، بۋرىلتوعاي اۋدانىندا تۋعان.

«...بۇل قۋانىشتى حاباردى ەستىگەننەن كەيىن التاي ايماعى مەن بۋرىلتوعاي اۋدانىنىڭ اكىمشىلىگى جانە سپورت باسقارماسىنىڭ باسشىلارى جەتىارال قالاسىنىڭ بوتامويىن اۋىلىندا تۇراتىن ەلجان شىنار ۇلىنىڭ اتا-اناسىنا امانداسا بارىپ، بالالارىنىڭ بيىك جەتىستىگىمەن قۇتتىقتادى. ولار ەلجاننىڭ سپورتتاعى جەتىستىگى تۋعان ەلىنە ۇلگى-ونەگە، ماقتانىش بولاتىنىن ايتىپ، اتا-اناسىنىڭ جاقسى ۇرپاق تاربيەلەپ، وسىنداي ۇلكەن جەتىستىككە جەتۋىنە قولداۋ كورسەتكەنىنە العىس ايتتى. سونىمەن بىرگە الداعى ۋاقىتتا ەلجاننىڭ سپورتتاعى ەڭبەك جولىنىڭ جەمىستى بولا بەرۋىنە تىلەكتەستىك ءبىلدىردى»، - دەپ جازادى «اعاجاي- التاي» سايتى.

الەمنىڭ قاي ەلدەرىندە شەتەل ستۋدەنتتەرى ەڭ كوپ؟ - TRT

تۇركيا 125 مىڭ 138 ستۋدەنتپەن جوعارعى وقۋ ورنىندا ەڭ كوپ حالىقارالىق ستۋدەنتتەرگە يە 10-شى ەل بولدى، دەپ جازادى تۇركيا راديو تەلەۆيزيا پورتالى.

«ب ۇ ۇ- ىڭ ءبىلىم، عىلىم جانە مادەنيەت جونىندەگى ۇيىمىنىڭ (يۋنەسكو) مالىمەتىنشە، الەمدە 5 ميلليون 571 مىڭ 402 حالىقارالىق ستۋدەنت بار ەكەن. بۇل ستۋدەنتتەردىڭ 987 مىڭ 314 ى ا ق ش- تىڭ جوعارعى وقۋ ورىندارىندا ءبىلىم الۋدا. حالىقارالىق ستۋدەنتتەر سانى جاعىنان ا ق ش-تان كەيىن 452 مىڭ 79 ستۋدەنتپەن ۇلى بريتانيا ەكىنشى، 444 مىڭ 514 ستۋدەنتپەن اۆستراليا ءۇشىنشى ورىندا تۇر. ال، تۇركيا 125 مىڭ 138 شەتەل ستۋدەنتىمەن جوعارعى وقۋ ورنىندا ەڭ كوپ حالىقارالىق ستۋدەنتتەرگە يە 10-شى ەل بولدى»، - دەپ جازادى TRT.

قازاقستاننان «وسكار-2021» كينوجۇلدەسىنە ۇسىنىلعان تۋىندى انىقتالدى - «فارس» اقپارات اگەنتتىگى

قازاقستاندىق رەجيسسەر مارينا كۇناروۆانىڭ «ۇلى دالا زارى» فيلمى «وسكار» جۇلدەسىنە ۇسىنىلدى، دەپ جازادى يراننىڭ «فارس» اقپارات اگەنتتىگى.

«ۇلى دالا زارى» اتتى كوركەم فيلمدە قازاقستانداعى 1920-1930 -جىلدارعى اشارشىلىق كەزىندەگى جەرگىلىكتى حالىقتىڭ باسىنان وتكەرگەن اۋىر تاعدىرى، شىنايى تاريحي وقيعالار باياندالادى. وسى كەزەڭدەردە قازاقستانداعى حالىقتىڭ كوپ بولىگى اشتىقتان قايتىس بولىپ، ال ءتىرى قالعاندارى باسقا ەلدەرگە قاشۋعا ءماجبۇر بولعان. 2021 -جىلعى وسكارعا ۇسىنىلىپ وتىرعان وسى فيلمنىڭ رەجيسسەرى ءارى سەناريسى مارينا قۇناروۆا «ەلەستى اۋلاۋ» جانە «999» اتتى فيلمدەردى تۇسىرگەن»، - دەپ جازادى دەپ جازادى Рarstoday .

قازاقستان ارقىلى تۇركيادان قىتايعا باراتىن ەكسپورت پويىزى جولعا شىقتى - TRT

تۇركيادان قىتايعا ەكسپورت ونىمدەرىن تاسىمالداعان جانە 8 مىڭ 693 شاقىرىمدىق جولدى باسىپ وتەتىن ەكسپورت پويىزى انكارادان ءوتتى، دەپ جازادى تۇركيا راديو تەليەۆيزيا پورتالى. «بۇل «تەمىر جىبەك جولى» اتالعان ساۋدا جولى - ازيا- ەۋروپا قۇرلىعى اراسىنداعى قىسقا، قاۋىپسىز، ارزان جانە كليماتقا ىڭعايلى تەمىرجول كوريدورى بولىپ تابىلادى.

«تەمىر جىبەك جولى» تۇركيادان قىتايعا العاشقى ەكسپورت پويىزىن ساپارعا اتتاندىردى. بۇل 754 مەترلىك، 50 كونتەينەر جۇك ارتىلعان پويىز گرۋزيا، ازەربايجان، كاسپيي تەڭىزى جانە قازاقستاندى باسىپ، ەڭ سوڭىندا قىتايدىڭ شيان قالاسىنا بارىپ توقتايدى. ءۇي جيھازى ونىمدەرى تيەلگەن كونتەينەر قازاقستاننىڭ اقتاۋ پورتىنا جۇك كەمەسىمەن جەتكىزىلەدى»، - دەپ جازادى TRT.

تاشكەنتتە جاپونيا سيفرلىق ۋنيۆەرسيتەتى اشىلادى - «ءوزا» اقپاراتتىق اگەنتتىگى

تاشكەنت قالاسىندا مەملەكەتتىك ەمەس جاپونيا سيفرلىق ۋنيۆەرسيتەتى اشىلادى، دەپ جازادى وزبەكستاننىڭ ء«وزا» مەملەكەتتىك اقپاراتتىق اگەنتتىگى.

«ۋنيۆەرسيتەتتە ءبىلىم بەرۋ اقىلى نەگىزدە بولىپ، جاپونيانىڭ وتەماە ۋنيۆەرسيتەتىنىڭ، توكيو ونلاين ۋنيۆەرسيتەتىنىڭ جانە باسقا دا بەدەلدى ۋنيۆەرسيتەتتەرىنىڭ تالاپتارى مەن وزبەكستاننىڭ مەملەكەتتىك ءبىلىم بەرۋ ستاندارتتارىن ەسكەرە وتىرىپ، جوعارى جانە ورتا ارنايى ءبىلىم مينيسترلىگى بەكىتكەن وقۋ جوسپارى جانە عىلىمي باعدارلامالارىنا سايكەس جاپون جانە وزبەك تىلدەرىندە جۇزەگە اسىرىلادى. ءبىلىم ورداسى باستاپقىدا باكالاۆرياتتىڭ كۇندىزگى جانە سىرتتاي بولىمندە ستۋدەنتتەرگە ءبىلىم بەرىپ، بىتىرگەن تۇلەكتەر جاپونيا ۋنيۆەرسيتەتتەرى مەن وزبەكستاندا جارامدى جوعارى ءبىلىم العانى تۋرالى بەرىلگەن قۇجات رەتىندە تانىلعان ديپلومدارعا يە بولادى»، - دەپ جازادى «ءوزا» اقپاراتتىق اگەنتتىگى.

اۆتور: باقىتجول كاكەش