قىزىلوردا وبلىسىنىڭ بۇرىنعى اكىمى قۋانىشبەك ىسقاقوۆ جەتى جىلعا باس بوستاندىعىنان ايىرىلدى

None
None
قىزىلوردا. قازاقپارات - قىزىلوردا وبلىسىنىڭ بۇرىنعى اكىمى قۋانىشبەك ىسقاقوۆ جەتى جىلعا باس بوستاندىعىنان ايىرىلدى.

بۇل اقپاراتتى 10- جەلتوقساندا جەرگىلىكتى ب ا ق حابارلادى. كوكتەم ايلارىندا ىسقاقوۆتىڭ «الاياقتىق» بابى بويىنشا كۇدىككە ىلىنگەنى حابارلانعان ەدى.

اقپارات اگەنتتىكتەرىنىڭ جازۋىنشا، ونىڭ ەكى ورىنباسارى ءارقايسىسى - 6 جىلعا، قىلمىستىق ءىس اياسىندا ايىپ تاعىلعان تاعى ەكى كاسىپكەردىڭ ءارقايسىسى 5 جىلعا سوتتالعان. ولارعا تۇرمە جازاسى بەرىلگەن.

قۋانىشبەك ىسقاقوۆتىڭ «الاياقتىق» بابى بويىنشا كۇدىككە ءىلىنىپ، ءۇي قاماققا قامالعانى بيىل ناۋرىز ايىندا بەلگىلى بولعان.

قۋانىشبەك ىسقاقوۆ 2019-جىلى ماۋسىم ايىندا قىزىلوردا وبلىسىنىڭ اكىمى لاۋازىمىنا تاعايىندالعان. وعان دەيىن ءۇش جارىم جىلدان استام سول كەزدەگى وبلىس اكىمى قىرىمبەك كوشەربايەۆتىڭ ورىنباسارى بولىپ، ەكونوميكا، قارجى، ەڭبەك جانە حالىقتى الەۋمەتتىك قورعاۋ سالاسىن باسقارعان.

28- ناۋرىزدا گۇلشارا ءابدىحالىقوۆا پرەزيدەنت جارلىعىمەن قىزىلوردا وبلىسىنىڭ اكىمى بولىپ تاعايىندالعان.

«ازاتتىق»

سوڭعى جاڭالىقتار