قازاقستاندا جۇرگىزۋشى كۋالىگىن كورسەتۋ مىندەتتى بولمايدى - زاڭ جوباسى

None
None
نۇر-سۇلتان. قازاقپارات - پارامەنت ءماجىلىسىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول ءجۇرىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا ماقۇلداندى، دەپ حابارلايدى قازاقپارات ءتىلشىسى.

زاڭ جوباسىندا جۇرگىزۋشىلەردىڭ قازاقستان رەسپۋبليكاسىندا بەرىلگەن جۇرگىزۋشى كۋالىگى مەن كولىك قۇرالىن تىركەۋ قۇجاتتارىن وزىمەن بىرگە الىپ جۇرمەگەنى ءۇشىن اكىمشىلىك جاۋاپكەرشىلىكتى الىپ تاستاۋدى قاراستىرىپ وتىر.

الايدا جۇرگىزۋشىلەر وزىمەن بىرگە جەكە كۋالىگىن الىپ جۇرۋگە مندەتتى بولادى. بۇل تۇزەتۋلەر شەتەل جۇرگىزۋشىلەرى مەن شەتەلدىك كولىك قۇرالدارىنا قولدانىلمايدى.

«جول ءجۇرىسى قاۋىپسىزدىگىن كۇشەيتۋ ماقساتىندا زاڭ جوباسىندا 2022 -جىلدان باستاپ اتالعان نورمانى قولدانىسقا ەنگىزە وتىرىپ، 10 جىلدان اسقان اۆتوبۋستاردى باستاپقى تىركەۋگە تىيىم سالۋ ارقىلى ولاردى پايدالانۋ مەرزىمى بويىنشا شەكتەۋ ەنگىزۋ كوزدەلىپ وتىر»، - دەدى ءماجىلىس دەپۋتاتى ماگەررام ماگەرراموۆ.

بۇل رەتتە بۇرىن قازاقستاندا تىركەلگەن جانە جولاۋشىلاردى، ونىڭ ىشىندە اۋىلدىق جەرلەردە جولاۋشىلاردى تاسىمالداۋ ءۇشىن پايدالانىلاتىن اۆتوبۋستاردى پايدالانۋ شەكتەلمەيدى. وسى نورمانى ەنگىزۋ جولاۋشىلاردى تاسىمالداۋ قاۋىپسىزدىگىن ارتتىرۋعا مۇمكىندىك بەرەدى، سونداي-اق قولدانىستاعى اۆتوبۋستار پاركىن بىرتىندەپ جاڭارتىپ، ەكولوگيالىق جاعدايعا وڭ اسەر ەتەدى.

بۇدان بۇرىن حابارلانعانداي، وتكەن اپتادا ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول ءجۇرىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلدانعان بولاتىن.


سوڭعى جاڭالىقتار