كاسپي تەڭىزىندە ەنەسىن ىزدەگەن يتبالىق جەلى قولدانۋشىلارىن ءتانتى ەتتى

نۇر-سۇلتان. قازاقپارات - كاسپي تەڭىزىندەگى جاڭادان تۋعان يتبالىق جەلى قولدانۋشىلارىن ءتانتى ەتتى.

ۆيدەو ەكوبەلسەندى ساكەن دىلداحمەتتىڭ Instagram جەلىسىندەگى پاراقشاسىندا پايدا بولدى.

«انانى ىزدەۋ! كاسپي تەڭىزى، جاڭادان تۋعان يتبالىق»، - دەلىنگەن جازبادا.

«ادام سياقتى ايعايلايدى عوي»، «نەدەگەن ءتاتتى داۋىس»، «سونداي ءتاتتى»، - دەيدى جەلى قولدانۋشىلارى.

ساكەن دىلداحمەتتىڭ سوزىنشە، ۆيدەو بىلتىر سولتۇستىك كاسپي اكۆاتورياسىندا تۇسىرىلگەن.

«ول اقپاندا تۋعان. ارتىنان ەنەسىن تاپتى. يتبالىقتار نەگىزى مۇزدىڭ ۇستىندە تۋادى. كۇشىكتەرى جۇزە المايدى. مۇزدىڭ ۇستىندە ءومىر سۇرەدى. ەنەلەرى مۇزدى تەسىپ، ءبىر شىعىپ، ءبىر كىرىپ قاراپ وتىرادى»، - دەيدى ساكەن دىلداحمەت.

Tengrinews.kz