قازاقتىڭ تەڭگەسىنە قاراعاندا رەسەي رۋبلى كوبىرەك قۇنسىزدانعان

None
None
الماتى. قازاقپارات - جىل باسىنان بەرگى داعدارىستان ۇلتتىق ۆاليۋتاعا قاراعاندا رەسەي رۋبلى اناعۇرلىم كوپ زارداپ شەكتى، دەپ حابارلايدى قازاقپارات ءتىلشىسى Finprom.kz. پورتالىنا سىلتەمە جاساپ.

بيىلعى جىلدىڭ جەلتوقسانىنا دەيىن ۇلتتىق ۆاليۋتانىڭ نارىقتىق باعامى ءبىر ا ق ش دوللارىنا شاققاندا 425,5 تەڭگە دەڭگەيىندە قالىپتاستى، ءبىر ايدا %1,7 نەمەسە 7,26 تەڭگەگە نىعايدى. مولشەرلەمە تەك نارىقتىق جاعدايعا بايلانىستى قالىپتاستى.

«قاراشا ايىندا تەڭگە تۇراقتانا باستادى. قازاقستان رەسپۋبليكاسىنىڭ ۇلتتىق ۆاليۋتاسىنىڭ وڭ ديناميكاسى قولايلى سىرتقى ورتا جاعدايىندا، سونداي-اق ەكسپورتشىلاردىڭ سالىق تولەمدەرى ءۇشىن شەتەل ۆاليۋتاسىن ساتۋى اياسىندا قالىپتاستى.

تەڭگەنىڭ نىعايۋىنا مۇناي باعاسىنىڭ كوتەرىلۋى بولدى. وسىلايشا، اعىمداعى جىلدىڭ 30-قاراشاسىنا قاراي Brent ماركالى مۇناي باعاسى ايىنا %27 ءوسىپ، 47,59 ا ق ش دوللارىن قۇرادى. مۇناي باعالارى كوروناۆيرۋسقا قارسى جاسالىناتىن ۆاكتسينالاردىڭ تيىمدىلىگى تۋرالى ەسەپتەر اراسىندا ءوستى، بۇل ەكونوميكالىق بەلسەندىلىكتىڭ ەرتە قالىپقا كەلۋ ىقتيمالدىعىن ارتتىرادى، سونىمەن قاتار مۇناي ونىمدەرىنە دەگەن سۇرانىستىڭ تەز قالپىنا كەلۋىنەن « ، - دەلىنگەن حابارلامادا.

سونىمەن قاتار، كوروناۆيرۋسقا قارسى ۆاكتسينانى ازىرلەۋ پروگرەسى مەن ا ق ش- تاعى پرەزيدەنتتىك بيلىكتىڭ رەسمي تۇردە اۋىسۋى جەكەلەگەن دامۋشى ەلدەردىڭ ۆاليۋتا باعامدارىنىڭ نىعايىۋنا اكەلدى. قاراشادا برازيليا رەالى %7,2 عا نىعايدى. سونىمەن قاتار، تۇرىك ليراسى %6,2 عا قىمباتتادى، وڭتۇستىك افريكا رەندى %4,8 عا جانە مەكسيكالىق پەسو %4,7 عا قىمباتتادى رەسەي رۋبلى دە ءوز كەزەگىندە وڭ ديناميكانى كورسەتتى.

قاراشا ايىندا رۋبل سالىق تولەمدەرىنىڭ ەسەبىنەن %3,9 عا ءوستى، مۇناي باعاسىنىڭ ءوسۋى جالعاستى جانە ينۆەستورلار تاۋەكەلگە باردى. سونىمەن قاتار، ساراپشىلار رۋبل سىرتقى جاعدايدى ەسكەرە وتىرىپ، Brent باررەلىنىڭ سالىستىرمالى تۇردە تومەن رۋبل باعاسىنان كورىنەتىن مۇناي باعاسىنا شامادان تىس وسۋىنە بايلانىستى قالىپتى ءوسىمدى كورسەتتى دەپ سانايدى. تەڭگە رەسەي رۋبلىنە قاراعاندا سىرتقى كۇيزەلىستەرگە ءتوزىمدى كورىنەدى. ماسەلەن، جىل باسىنان باستاپ 30-قاراشاعا دەيىن رۋبل %23,3، ال تەڭگە - %11,1 عانا السىرەدى.

ستاتيستيكا بويىنشا ۇلتتىق ۆاليۋتاعا دەگەن سەنىم بار. مۇنى تەڭگەلىك دەپوزيتتەردىڭ وسۋىنەن بايقاۋعا بولادى. تۇرعىنداردىڭ تەڭگە دەپوزيتىن قولدايدى. بۇل ديناميكا كورپوراتيۆتىك سەكتوردا دا بايقالادى. وسى جىلدىڭ ون ايىندا ق ر ەكىنشى دەڭگەيلى بانكتەرىندەگى سالىمدارىنىڭ جالپى سوماسى %15,3 ءوسىپ، 21,9 ترلن تەڭگەنى قۇرادى.

ءوز كەزەگىندە، تەڭگەدەگى دەپوزيتتەر ءبىر جىل ىشىندە بىردەن %20 ءوستى. دەپوزيتتەردىڭ دوللارلانۋى جىل باسىنان بەرى اعىمداعى جىلدىڭ قازان ايىندا %43,1 دان %40,8 عا دەيىن تومەندەدى، ونىڭ ىشىندە كورپوراتيۆتى سەكتورداعى دەپوزيتتەر - %44,8 دان %40,7 عا دەيىن، بولشەك ساۋدا سالاسىندا - %41,3 دان %40,9.

ايتا كەتەيىك، ەلدىڭ ءۇش ايماعىندا كورسەتكىش جوعارى: الماتىدا (%52)، نۇر-سۇلتاندا (%46) جانە اتىراۋ وبلىسىندا (%37).

اۆتور: الما مۇقانوۆا

سوڭعى جاڭالىقتار