اقتالىپ شىققان اقتوبەلىك شەنەۋنىك قارجى مينيسترلىگىن سوتقا بەردى

نۇر-سۇلتان. قازاقپارات - اقتوبەدەگى بەلگىلى شەنەۋنىك جانارگۇل دۇيسەكەنوۆا قازاقستاننىڭ قارجى مينيسترلىگىنىڭ ۇستىنەن سوتقا ارىز بەرگەن.

سوت ءىسى قالالىق سوت وندىرىسىندە پايدا بولدى، - دەپ حابارلايدى «اقتوبە تايمس» گازەتى.

دۇيسەكەنوۆا زاڭسىز قىلمىستىق قۋدالاۋ ءۇشىن مورالدىق زياندى وتەۋ رەتىندە ەكى ميلليون تەڭگە تالاپ ەتىپ وتىر ەكەن. «ازاماتتىق ءىستى قاراۋ اياقتالۋعا جاقىن»، - دەپ جازادى باسىلىم.

اقتوبە اكىمدىگىنىڭ تۇرعىن ءۇي ءبولىمىنىڭ بۇرىنعى باسشىسى جانارگۇل دۇيسەكەنوۆا ءبىر جىلدان استام قىلمىستىق قۋدالاۋدا بولعان. 2019-جىلدىڭ ساۋىرىندە ول قىزمەتتىك جاعدايىن پايدالانىپ الاياقتىق جاسادى دەگەن كۇدىكپەن قاماۋعا الىندى.

تەرگەۋ مالىمەتتەرى بويىنشا، 2015-2018-جىلدار ارالىعىندا دۇيسەكەنوۆا باسقا اداممەن الدىن الا ءسوز بايلاسىپ، سەنىمگە كىرىپ، بوتەننىڭ اقشاسىن ءىرى مولشەردە يەلەنىپ، مەملەكەتتىك باعدارلاما بويىنشا باسپانا بەرۋگە ۋادە بەرگەن. قىلمىستىق ءىس بويىنشا جابىرلەنۋشى رەتىندە 38 ادام تانىلعان، ال شىعىن شامامەن 100 ميلليون تەڭگەگە تەڭ بولعان.

شەنەۋنىكتىڭ دوستارى قازاقستان پرەزيدەنتى قاسىم-جومارت توقايەۆقا، سونداي-اق سەنات ءتوراعاسى داريعا نازاربايەۆاعا، باس پروكۋرور عيزات نۇرداۋلەتوۆكە جانە اقتوبە وبلىسىنىڭ اكىمى وڭداسىن ورازالينگە اشىق ۇندەۋ جازدى.

«جانارگۇل دۇيسەكەنوۆا سانالى عۇمىرىن مەملەكەتتىك قىزمەتكە ارناعان، ءوز وتباسىن قۇرىپ، بالا تاپپاعان. ءبىز ونىڭ پارا الۋى مۇمكىن ەكەنىنە سەنبەيمىز، اسىرەسە بۇل مولشەردە. ونى قاماۋدان بوساتۋدى، وسى ءىس بويىنشا ءادىل جانە وبەكتيۆ تەرگەۋدى سۇرايمىز»، - دەلىنگەن حاتتا.

كەيىن سوتتا ونىڭ كىنالى ەمەس ەكەنى انىقتالدى، ول اقتالىپ شىقتى. تۇرعىن ءۇي ءبولۋ سەكتورى بويىنشا قىزمەتكە ورالعان ول جۇمىسقا بارا ءماجبۇرلى تۇردە بارا الماعان ۋاقىتى ءۇشىن جالاقىسىن وندىرۋگە ارىز بەرگەن. الايدا، اكىمدىكتەگى ءبولىم جانە قازىر ونىڭ لاۋازىمى باسقا. سوڭعى بەس ايدا دۇيسەكەنوۆا اقتوبە قالاسىنىڭ ەكونوميكا جانە قارجى ءبولىمى باسشىسىنىڭ ورىنباسارى بولىپ جۇمىس ىستەدى.