ديماش قۇدايبەرگەنىڭ جاڭا ءانى شىقتى

الماتى. قازاقپارات - رەسەيلىك تانىمال كومپوزيتور يگور كرۋتويدىڭ ديماش قۇدايبەرگەنگە ارناپ جازعان ءانى شىقتى، دەپ حابارلايدى قازاقپارات.

بۇل تۋرالى ديماش قۇدايبەرگەن Instagram-داعى پاراقشاسىندا جازدى. ءاننىڭ اتى - «مەن سەنى ساعىنىپ ءجۇرمىن» (يا سكۋچايۋ پو تەبە). ءاننىڭ ءسوزىن يگور كرۋتويمەن بىرگە كومپوزيتوردىڭ دوسى يگور نيكولايەۆ جازىپ شىققان. بۇعان دەيىن، يگور كرۋتوي ديماشقا ءان جازىپ جاتقانى تۋرالى حابارلاعان بولاتىن.

«يگورمەن بىرگە بىرلەسكەن تۋىندىنى شىعارماعالى ءبىراز ۋاقىت بولىپ قالدى. ءبىراق قازىر تاعى دا شىعارماشىلىق قوڭىراۋلار، تۇزەتۋلەر، ۋايىم مەن ەستەگى ەسكى كۇندەردىڭ جاڭعىرىعى.. . ديماشپەن دە سول شارۋا - داۋىس ىرعاعىن انىقتاۋ جۇمىستارى. ەلدەگى ەڭ تانىمال (ءبىزدىڭ ەلدەگى عانا ەمەس) داۋىس يەسى ديماشتى كۇتۋ.. . وسى ءاننىڭ تاعدىرى جارقىن، ال وعان سۇيەنگەن ماحاببات يەلەرى باقىتتى بولار دەگەن سەنىمدەمىن»، - دەپ جازادى يگور كرۋتوي.