سەمەي تۇرعىنى اسا سيرەك كەزدەسەتىن قۇستى سۋرەتكە ءتۇسىرىپ الدى

سەمەي. قازاقپارات - سەمەي قالاسىنىڭ تۇرعىنى تابيعاتتا اسا سيرەك كەزدەسەتىن قۇستى سۋرەتكە ءتۇسىرىپ ۇلگەرگەن، دەپ حابارلايدى قازاقپارات ءتىلشىسى.

جەرگىلىكتى فوتوگراف اندرەي كۋرياشكيننىڭ قۇستار الەمىن زەرتتەپ، قاناتتىلاردى سۋرەتكە ءتۇسىرىپ جۇرگەنىنە تالاي جىل بولدى. تاياۋدا ول بەيبىتشىلىك ارالىنداعى ەرتىس وزەنىنىڭ القابىندا قورەكتەنىپ وتىرعان تاڭشىمشىقتى بايقاپ قالعان.

«بۇل قۇس نەگىزىنەن ءبىزدىڭ ءوڭىردى مەكەن ەتپەيدى. تاڭشىمشىق بۇل ايماققا ۇيا سالمايدى، ءتىپتى جاز كەزىندە دە كەلمەيدى. ونى وسى قالا اۋماعىنان كورۋ - مۇلدە توسىن جاعداي»، - دەدى ا. كۋرياشكين.

العاش رەت بۇل قۇس سەمەيدە 1924 -جىلدىڭ جەلتوقسانىندا كوزگە تۇسكەن. ەكىنشى رەت وبەكتيۆكە 1950 -جىلى ىلىككەن. ودان كەيىن 70 جىل بويى كورىنبەگەن.