قاراعاندى وبلىسىندا ورتتەن ءۇش ادام قازا تاپتى

قاراعاندى. قازاقپارات - قاراعاندى وبلىسىندا وتكەن تاۋلىكتە ورتتەن ءۇش ادام قازا تاپتى. بۇل تۋرالى ق ر توتەنشە جاعدايلار مينيسترلىگىنىڭ رەسمي وكىلى تالعات ءۋالي ءمالىم ەتتى، دەپ حابارلايدى قازاقپارات.

اتاپ ايتقاندا، 4 - جەلتوقسان كۇنى ساعات 12.28 دە اباي قالاسىندا بەس قاباتتى تۇرعىن ءۇيدىڭ ءتورتىنشى قاباتىنداعى پاتەردەن ءورت شىقتى. ءۇي زاتتارى مەن اعاشتان جاسالعان تەرەزە جاقتاۋلارى جانعان. ءورتتىڭ 5 شارشى مەتر اۋماقتى شارپىعان. قۇتقارۋشىلار باسپالداق ارقىلى 2 ادامدى ەۆاكۋاتسيالادى. جالىن ساعات 12.45 تە تولىق سوندىرىلگەن. وقيعا ورنىندا 58 جاستاعى پاتەر يەسىنىڭ دەنەسى تابىلدى. 67 جاستاعى ەر ادام كومىرقىشقىل گازىنا ۋلانىپ، اۋرۋحاناعا جاتقىزىلدى.

«سونداي- اق، 5-جەلتوقساندا ساعات 07.34 تە شاحتينسك قالاسىنىڭ شاحان كەنتىندە بەس قاباتتى تۇرعىن ءۇيدىڭ بەسىنشى قاباتىنداعى پاتەردە ءورت شىقتى. 40 شارشى مەتر اۋماق جانعان. ءورت سوندىرۋشىلەر كىرەبەرىستەن باسپالداق ارقىلى 3 ادامدى ەۆاكۋاتسيالادى. وقيعا ورنىندا 1957 -جىلى تۋعان ەر ادام جانە 1962 -جىلى تۋعان ايەل قازا بولدى. قابىلدانعان شارالاردىڭ ارقاسىندا جالىن ساعات 08.45 تە ءسوندىرىلدى. ت ج د بولىمشەلەرىنەن 16 ادام مەن 3 تەحنيكا جۇمىلدىرىلدى. الدىن الا بولجام بويىنشا، ءورتتىڭ سەبەبى اشىق وت كوزى (سىرىڭكە، تەمەكى، شام جانە ت. ب. ). ق ر ت ج م بارشا ازاماتتاردان ءورت قاۋىپسىزدىگىن قاتاڭ ساقتاۋعا شاقىرادى»، - دەدى ت. ءۋالي.