12:26, 05 - جەلتوقسان 2020 | GMT +6
وسكەمەندە جىلى جاققا ۇشپاي سۋ قويماسىندا قالىپ قويعان اققۋدىڭ تاعدىرى كوپتى الاڭداتۋدا
وسكەمەن. قازاقپارات - وسكەمەندە جىلى جاققا ۇشپاي سۋ قويماسىندا قالىپ قويعان اققۋدىڭ تاعدىرى كوپتى الاڭداتۋدا، دەپ حابارلايدى قازاقپارات ءتىلشىسى.
ش ق و ورمان شارۋاشىلىعى جانە جانۋارلار دۇنيەسى ينسپەكتسياسىنىڭ مالىمەتىنشە، الەۋمەتتىك جەلىلەردە مونيتورينگ جۇرگىزۋ بارىسىندا ابلاكەتكا كەنتىندە ورنالاسقان «ەرتىس-2» ساياجاي قاۋىمداستىعىنان تابىلعان اققۋ جايلى ماتەريالدار زەرتتەلگەن. اتالعان فاكتى بويىنشا اۋماقتىق ينسپەكتسيا ماماندارى سول جاعالاۋ حايۋاناتتار باعىنىڭ اكىمشىلىگىمەن كەلىسسوز جۇرگىزىپ، اققۋدى ۇستاعاننان كەيىن سوندا ورنالاستىرۋعا رۇقسات الدى.
«جۋىقتا جەدەل ارەكەت ەتۋ ءبولىمىنىڭ ينسپەكتورلارى سۋ قويماسىنا باردى. الايدا اققۋدى ۇستاۋ مۇمكىن بولمادى. جابايى قۇس جانىنا ادام جاقىنداعاندا قايتا- قايتا ۇشىپ كەتەدى. اققۋدىڭ دەنساۋلىعى جاقسى. قاجەت بولعان جاعدايدا مونيتورينگتى ارى قاراي جالعاستىرامىز» دەلىنگەن مالىمەتتە.