+7 (701) 759 90 19
-10 °С : نۇر-سۇلتان
-2 °С : الماتى
USD 420.32 EUR 509.34
RUB 5.7 CNY 64.85
جاڭالىقتار

ەلوردادا دەمالىس كۇندەرى قايدا بارۋعا بولادى

5 جەلتوقسان 09:34
:ءبولىسۋ
ەلوردادا دەمالىس كۇندەرى قايدا بارۋعا بولادى

نۇر- سۇلتان. قازاقپارات – 5، 6-جەلتوقسان كۇندەرگى دەمالىستاردا نۇر- سۇلتان قالاسىندا تەاتر پرەمەرالارى، قۋىرشاقتار بالەتى جانە كورمەلەر وتەدى.

قالا اكىمدىگىنەن ءمالىم ەتكەندەي، بارلىق ءىس- شارادا سانيتارلىق تالاپ قاتاڭ ساقتالاتىن بولادى، دەپ حابارلايدى قازاقپارات.

اتاپ ايتقاندا، 5-جەلتوقسان كۇنى ساعات 17:00 دە Astana Opera-نىڭ كامەرالىق زالىندا «شەلكوۆايا لەستنيتسا» ءبىر اكتىلى فارس- وپەراسى ۇسىنىلادى.

31-جەلتوقسانعا دەيىنگى ءار سەنبىدە (ساعات 10:00-17:00 ارالىعىندا) تاۋەلسىزدىك سارايىندا ۇلى ابايدىڭ 175 جىلدىعىنا وراي جانە «اقانايەۆتار اۋلەتىنە» ارنالعان كورمەلەر، «ونەر قارلىعاشتارى» جانە «الەم بالا كوزىمەن» اتتى بالالار ەكسپوزيتسيالارى جۇمىس ىستەيدى. سونداي- اق، وسىندا قازاقستان سۋرەتشىلەر وداعىنىڭ مۇشەسى، «شابىت» حالىقارالىق شىعارماشىل جاستار فەستيۆالىنىڭ ديپلومانتى، سۋرەتشى انار اۋباكىردىڭ «تىلسىم» اتتى كورمەسى ۇسىنىلعان. بۇدان باسقا، تاۋەلسىزدىك سارايىنىڭ قورىنداعى «نۇر- سۇلتان قالاسىنا سىيلىقتار» كورمەسىن تاماشالاۋعا بولادى. وندا ەلورداعا ساپارمەن كەلگەن رەسمي دەلەگاتسيالاردىڭ كادەسىيلارى قويىلعان.

سونداي- اق 1-جەلتوقسان كۇنىتاۋەلسىزدىك سارايىندا National Geographic حالىقارالىق باسپاسىنىڭ «Uly Dala JuregI « كورمەسى اشىلدى. ول دۇيسەنبىدەن سەنبىگە دەيىن، ساعات 10:00-17:00 ارالىعىندا جۇمىس ىستەيدى.

5-جەلتوقسان كۇنى ساعات 12:00-دە جانە 14:00-دە اكىمدىككە قاراستى قالالىق قۋىرشاق تەاترىندا جاس كورەرمەندەر «مەنىڭ سالعان سۋرەتىم» بالەتىن تاماشالاي الادى.

جاستار تەاترىندا 5-جەلتوقسان كۇنى ساعات 19.00 دە «يستوريا ۆوزليۋبلەننىح» كومەدياسىنىڭ پرەمەراسى وتەدى.

5-جەلتوقسان ساعات 11:00 دە م. گوركي اتىنداعى ورىس دراما تەاترىندا «پريكليۋچەنيا ناستەنكي» ەرتەگىسى قويىلادى. ترانسلياتسيا YouTube-تە كورسەتىلەدى.

5-جەلتوقسان ساعات 18:00-دە م. گوركي اتىنداعى ورىس دراما تەاترىندا ا. وستروۆسكيدىڭ پەساسى نەگىزىندە «گروزا» سپەكتاكلى وتەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات