+7 (701) 759 90 19
-10 °С : نۇر-سۇلتان
-2 °С : الماتى
USD 420.32 EUR 509.34
RUB 5.7 CNY 64.85
جاڭالىقتار

پروفەسسور كوروناۆيرۋستان قورعايتىن باستى ءۇش فاكتوردى اتادى

5 جەلتوقسان 09:08
:ءبولىسۋ
پروفەسسور كوروناۆيرۋستان قورعايتىن باستى ءۇش فاكتوردى اتادى

الماتى. قازاقپارات - مەديتسينا عىلىمدارىنىڭ كانديداتى، «قاراعاندى مەديتسينالىق ۋنيۆەرسيتەتى» ا ق كلينيكالىق فارماكولوگيا كافەدراسىنىڭ مەڭگەرۋشىسى، پروفەسسور شولپان قاليەۆا كوروناۆيرۋستان قورعانۋدىڭ باستى فاكتورلارىن اتادى، دەپ حابارلايدى قازاقپارات ءتىلشىسى.

ونىڭ ايتۋىنشا، ماسكا تاعۋ، الەۋمەتتىك قاشىقتىقتى ساقتاۋ، دەزينفەكتسيا ۆيرۋستان قورعايتىن باستى شارالار بولىپ وتىر.

«ادامدار اۋىرا ما، اۋىرماي ما وعان قاراماستان كوپ بايلانىسقا تۇسپەۋگە تىرىسۋ كەرەك. ادامدار اۋىراتىنىن بىلمەۋى دە مۇمكىن. سوندىقتان، ماسكا تاعۋ مىندەتتى. ويتكەنى ماسكا ۆيرۋستىڭ %70 سۇزەدى. ادام جۇقتىرعان جاعدايدا دا ۆيرۋستىق جۇكتەمە از بولادى. قوعامدىق ورىندارعا بارعان سوڭ قولدى سانيتايزەرلەرمەن تازالاۋ كەرەك»، - دەيدى شولپان قاليەۆا.

سپيكەردىڭ ايتۋىنشا، ۆيرۋستىڭ بەتكى قاباتتاردا ومىرشەڭ ەكەندىگى تۋرالى پىكىرلەر الۋان ءتۇرلى.

«جاقىندا ۆيرۋس بەتكى قاباتتاردا ۇزاق تۇرمايدى دەگەن پىكىر تارالدى. ءبىراق، وعان قايشى عىلىمي قورىتىندىلار دا بار. ورتا ەسەپپەن ۆيرۋس ادام اعزاسىنا جەتكەنشە ءۇش تاۋلىك ءتىرى بولادى. سول ءۇشىن قولدى زارارسىزداندىرۋ ماڭىزدى. ۆيرۋس جۇققان قولىمىزبەن بەتىمىزدى، كوزىمىزدى، مۇرنىمىزدى ۇستاعان جاعدايدا اعزاعا ۆيرۋس %100عا كىرەدى»، - دەيدى پروفەسسور.

مامان ناۋقاسپەن تىعىز بايلانىستا بولعان ادامنىڭ ۆيرۋس جۇقتىرۋ ىقتيمالدىعى تۋرالى ايتتى.

«ۆيرۋس وتە كونتاگيوزدى. ناۋقاس اداممەن جولىققاندا 2 مەتر قاشىقتا تۇرۋىمىز كەرەك. جۇرگىزىلگەن ەكسپەريمەنتكە سايكەس تۇشكىرگەن ادام قانشا ادامعا ۆيرۋس جۇقتىراتىنى انىقتالدى. بۇل شامامەن 1,5 مەتر. الايدا قاۋىپسىزدىك قاشىقتىعى شامامەن 2 مەتر. ناۋقاس ادامدى كورگەن جاعدايدا ەكەۋىڭىز دە ماسكادا بولساڭىزدار، ۆيرۋستان امان قالۋعا بولادى. ال ەگەر ادامنىڭ يممۋنيتەتى تومەندەگەن بولسا، اعزا ينفەكتسيانى تەز قابىلدايدى. جۇعىپ كەتۋى عاجاپ ەمەس»، - دەپ اتاپ ءوتتى دارىگەر.

پروفەسسور ءوزى دە ۆيرۋستى جۇقتىرعانىن ايتتى.

«مەن ءوزىم ۆيرۋستى جۇقتىرعانىمدى بىلمەدىم. ەسەسىنە تۋعان- تۋىس، باۋىرلارىممەن ارالاسىپ ءجۇردىم. سوندا مەنىمەن ءبىر پاتەردە تۇراتىن تۋىستارىم عانا اۋىردى. مەنىمەن بايلانىستا بولسا دا، قاۋىپسىزدىك شارالارىن ساقتاعاندار، ماسكا تاعىپ جۇرگەندەر اۋىرمادى» دەيدى ول.

ونىڭ ايتۋنشا، كوروناۆيرۋس تا باسقا ۆيرۋستار سياقتى مۋتاتسياعا ۇشىرايدى.

«ۆيرۋستىڭ ءبىرىنشى تولقىنىندا كوبىنەسە ورتا، ەگدە جاستاعى ادامدار ءجيى اۋىرعان. بالالار سيرەك اۋىردى. جازدا ءولىم كورسەتكىشى كوپ بولدى. ورتا جاس تاعى 55 شاماسىندا بولدى. ال قازىر ۆيرۋس جاس بالالارعا تەز جۇعىپ جاتىر. ش ق و دا بىرنەشە وقۋشى ۆيرۋس جۇقتىرعانىن بىلەسىزدەر» دەيدى شولپان قاليەۆا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات